Matthew 15:23 - An Bibel Kernewek 20234 (Kernewek Kemmyn)

²³ Mes ev ny's gorthybis ger vyth. Ha'y dhyskyblon a dheuth dhodho orth y bysi ha leverel, ‘Gwra hy dannvon yn-kerdh, rag yma hi ow karma war agan lergh.’

Matthew 15:23 Iomraidhean Croise

Jenesis 42:7

Yosep a welas y vreder, ha'ga aswonn, mes y fara dhedha o kepar hag onan ankoth, hag ev a gewsis dhedha yn harow, ha leverel dhedha, ‘A-ble owgh hwi devedhys?’ Yn-medhons, ‘A bow Kanan, dhe brena boes.’

Salmow 28:1

Warnas jy y halwav, A Arloedh; ow harrek, na vydh bodhar orthiv vy, ma na viv, mar tewydh, kepar ha'n re a dhiyskynn dhe'n pytt.

Kynvannow 3:8

Ynwedh pan griav ‘Harow!’ ev a dhege yn-mes ow fysadow.

Matthew 14:15

Ha devedhys an gorthugher, y dhyskyblon a dheuth dhodho ha leverel, ‘An tyller ma yw difeyth ha seulabrys diwedhes yw an eur; gas an routhow dhe vos, mayth ellons dhe'n trevow dhe brena boes ragdha aga honan.’

Matthew 15:22

Hag awotta, benyn gananek a dheuth a'n oryon na ha garma, ‘Arloedh, mab Davydh, kemmer truedh ahanav; ow myrgh re beu dalghennys yn trog gans dyowl.’

Matthew 15:24

Mes ev a worthybis, ow leverel, ‘Ny veuv vy dannvenys saw dhe dheves kellys chi Ysrael.’

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.