Matthew 15:19 - An Bibel Kernewek 20234 (Kernewek Kemmyn)

¹⁹ Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Matthew 15:19 Iomraidhean Croise

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Salmow 119:113

My a gas an re yw dewblek aga brys, mes dha lagha a garav.

Lavarow Koth 22:15

Follneth yw kelmys yn kolonn maw, mes gwelenn dyskybleth a's herdh pell dhiworto.

Lavarow Koth 24:9

Towlow a follneth yw pegh, ha'n skornyer yw tra gasadow dhe dus.

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Lavarow Koth 6:14

gans kolonn dreus ev a dhevis droktra, pup-prys ow hasa kedrynnow.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Yeremia 17:9

An golonn yw fel dres pup-tra, ha drog dres remedi: piw a's aswonn?

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Niverow 22:29

Ha Balaam a leveris dhe'n asen, ‘Drefenn ty dhe wul ges ahanav: a pe kledha y'm dorn, erbynn lemmyn my a'th ladhsa.’

Matthew 15:20

An re ma a wra defola den; mes dybri heb golghi diwla ny wra defola den.’

Matthew 5:28

Mes my a lever dhywgh, Neb a vir orth benyn gans drokhwans re wrug avoutri seulabrys gensi yn y golonn.

Matthew 9:4

Ha Yesu, owth aswonn aga frederow, a leveris, ‘Prag y prederowgh drog yn agas kolonn?

Oberow 8:22

Kemmer edrek, ytho, a'n sherewynsi usi dhis, ha pys war an Arloedh may fo gevys dhis, mar kyll bos, mynnas dha golonn.

Romanyon 7:18

Rag y hwonn na drig ynnov travyth da, henn yw y'm kig. Yma parys genev an mynnas, mes kowlwul an da – ny allav.