Matthew 14:31 - An Bibel Kernewek 20234 (Kernewek Kemmyn)

³¹ Hag a-dhesempis Yesu a ystynnas y leuv ha'y dhalghenna, ha leverel dhodho, ‘A ty a voghes fydh, prag y hwrussys doutya?’

Matthew 14:31 Iomraidhean Croise

Jenesis 22:14

Hag Abraham a elwis hanow an tyller na ‘An Arloedh a brovi’; dell yw leverys bys y'n jydh hedhyw, ‘War venydh an Arloedh y fydh proviys.’

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Matthew 14:30

Mes pan welas an gwyns dhe vos krev, own a'n kemmeras, ha pan dhallathas sedhi, ev a armas ow leverel, ‘Arloedh, gwr a ow sawya!’

Matthew 14:32

Ha pan dhothyens a-bervedh y'n gorhel an gwyns a hedhis.

Matthew 16:8

Ow merkya henna, Yesu a leveris, ‘A hwi a voghes fydh, prag y hwrewgh hwi resna yntredhowgh y vos drefenn na dhresowgh bara?

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

Matthew 6:30

Ytho mar kweth Duw yndella gwels an gwelyow, yw bew hedhyw ha tewlys yn forn a-vorow, a ny wra ev meur dhe voy agas kwetha hwi, A hwi a voghes fydh?

Matthew 8:26

Yn-medh ev dhedha, ‘Prag yth owgh hwi mar ownek, hwi a voghes fydh?’ Ena ev a sevis ha keredhi an gwynsow ha'n mor, hag y feu kalmynsi meur.

Mark 1:31

Hag ev a dheuth ha'y hemmeres er an leuv, ha'y drehevel; ha'n fevyr a's gasas, ha hi a venystra dhedha.

Mark 1:41

Hag ev, ow kemmeres truedh, a ystynnas y leuv, ha'y dochya, ha leverel dhodho, ‘Mynnav; bydh glanhes.’

Mark 11:23

Yn hwir y lavarav dhywgh, piwpynag a lavarro dhe'n menydh ma “Ty bydh kemmerys yn-bann, ha bydh tewlys y'n mor” ha na dhouttyo yn y golonn, mes a grysso y hwyrvydh an pyth a gews, ev a'n kyv.

Mark 16:7

Mes ewgh yn-rag, leverewgh dh'y dhyskyblon ha dhe Peder, “Yth a ev a-ragowgh dhe Alile; ena hwi a'n gwelvydh, dell leveris ev dhywgh.” ’

Mark 4:40

Hag ev a leveris dhedha, ‘Prag yth owgh hwi mar ownek? Fatell yw nag eus dhywgh fydh?’

Mark 5:41

Hag ow kemmeres an flogh er an leuv, ev a leveris dhedhi, ‘Talitha kumi’, dhe styrya yw, ‘Moren, y lavarav dhis, sav!’

Luk 24:34

ow leverel, ‘Yn hwir, an Arloedh yw drehevys hag ev re omdhiskwedhas dhe Simon!’

Oberow 4:30

ha ty owth ystynn dha leuv rag yaghhe, may fo gwrys toknys ha marthusyon dre hanow dha was sans Yesu.’

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.