Matthew 14:19 - An Bibel Kernewek 20234 (Kernewek Kemmyn)

¹⁹ Ena yth erghis dhe'n routhow esedha war an glaswels ha wosa ev dhe gemmeres an pymp torth ha'n dhew bysk ha mires yn-bann dhe nev, ev a vennigas ha terri, ha ri an torthow dhe'n dhyskyblon, ha'n dhyskyblon a's ros dhe'n routhow.

Matthew 14:19 Iomraidhean Croise

Matthew 14:18

Yn-medh ev, ‘Gwrewgh aga dri dhymm omma.’

Mark 6:39

Hag ev a worhemmynnis may hwrellens gul dhedha esedha oll yn bagasow war an gwyrwels.

Mark 6:41

Ha wosa ev dhe gemmeres an pymp torth ha'n dhew bysk, ev a viras yn-bann dhe nev, ha benniga, ha terri an torthow, ha'ga ri dh'y dhyskyblon dhe worra a-ragdha, ha'n dhew bysk ev a's rannas yntredha oll.

Mark 7:34

hag ow mires war-vann troha nev, ev a hanasas, ha leverel dhodho, ‘Effatha’, henn yw, ‘Bydh igerys.’

Luk 22:17

Ena ev a gemmeras hanaf, hag a rassas, ha leverel, ‘Kemmerewgh hemma ha'y ranna yntredhowgh;

Luk 22:19

Ena ev a gemmeras bara, hag a rassas ha'y derri ha'y ri dhedha, ow leverel, ‘Hemm yw ow horf yw res a-barth dhywgh; gwrewgh hemma yn kovadh ahanav vy.’

Luk 24:30

Hag y hwarva, pan o ev esedhys gansa orth an voes, y kemmeras bara, ha benniga, ha terri, ha ri dhedha.

Luk 9:14

Rag yth ens i neb pymp mil wour. Yn-medh ev dh'y dhyskyblon, ‘Gwrewgh dhedha esedha yn bagasow a neb hanter kans pubonan.’

Luk 9:16

Hag ow kemmeres an pymp torth ha'n dhew bysk, ev a viras yn-bann dhe nev ha'ga benniga, ha'ga therri, hag ev a's ros dh'y dhyskyblon rag aga settya a-rag an routh.

Yowann 11:41

Ytho i a gemmeras an men dhe-ves. Ha Yesu a dhrehevis y dhewlagas ha leverel, ‘A Das, my a woer gras dhis ty dhe'm klewes.

Yowann 6:23

Mes gorholyon erell a dheuth dhiworth Tiberias, ogas dhe'n tyller may tyb'sens an bara, wosa an Arloedh dhe ri grasow.

Oberow 27:35

Pan lavarsa an taklow ma, ev a gemmeras bara, a ros grasow dhe Dhuw a-ragdha oll, a'n torras hag a dhallathas dybri.

Romanyon 14:6

Neb a syns dy'goel, dhe'n Arloedh y'n syns, ha neb a dheber, dhe'n Arloedh y teber rag yth aswonn gras dhe'n Arloedh; ha neb na dheber, ny dheber ev dhe'n Arloedh hag ev a aswonn gras dhe Dhuw.

1 Korinthianys 10:16

An hanaf a vennath hag a vennigyn, a nyns yw kevrenna yn goes Krist? An bara hag a derryn, a nyns yw kevrenna yn korf Krist?

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

1 Korinthianys 11:24

ha wosa ri gras, ev a'n torras ha leverel, ‘Hemm yw ow horf hag yw ragowgh; gwrewgh hemma yn kovadh ahanav vy.’

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

1 Samuel 9:13

Kettell dhewgh a-bervedh y'n sita, hwi a'n kyv, kyns ev dhe vones yn-bann dhe'n tyller ughel dhe dhybri. Rag ny vynn an bobel dybri erna dheffo, drefenn ev dhe venniga an sakrifis; ha wosa henna an re neb yw gelwys a dheber. Ha lemmyn kewgh yn-bann, rag a-dro dhe'n termyn ma hwi a'n kyv.’