Matthew 13:57 - An Bibel Kernewek 20234 (Kernewek Kemmyn)

⁵⁷ Ha sklandrys ens i anodho. Mes Yesu a leveris dhedha, ‘Nyns yw profoes heb enor saw yn y vro y honan hag yn y ji y honan.’

Matthew 13:57 Iomraidhean Croise

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Ysay 8:14

Ev a vydh sentri, ha men trebuchya ha karrek koedha dhe dhew ji Ysrael, hag antell ha maglenn rag annedhysi Yerusalem.

Matthew 11:6

ha gwynn y vys neb na vo sklandrys ynnov vy.’

Matthew 13:58

Ha ny wrug ev meur a oberow galloesek ena drefenn aga diskryjyans.

Mark 6:1

Hag ev eth yn-mes alena, ha dos yn y vro y honan; ha'y dhyskyblon a'n siwyas.

Mark 6:14

Ha myghtern Herod a glewas anodho, rag y hanow o aswonnys a-les, hag i a leveri, ‘Yowann Besydhyer yw drehevys a'n re varow, ha dre henna yma an oberow galloesek owth oberi ynno ev.’

Mark 6:3

A nyns yw hemma an ser prenn, mab Maria, broder Jamys ha Yoses ha Yudas ha Simon? hag a nyns usi y hwerydh omma genen?’ Ha sklandrys ens i anodho.

Mark 6:4

Hag yn-medh Yesu dhedha, ‘Nyns yw profoes heb enor, saw yn y vro y honan, hag yn mysk y gerens y honan, hag yn y ji y honan.’

Luk 4:24

Mes ev a leveris, ‘Yn hwir y lavarav dhywgh, nyns eus profoes vydh kemmeradow yn y vro y honan.

Luk 7:23

ha gwynnvys neb na vo sklandrys ahanav.’

Yowann 4:44

Rag Yesu y honan a dhestas, nag eus dhe brofoes enor yn y vro y honan.

Yowann 6:42

hag yn-medhons, ‘A nyns yw hemma Yesu mab Yosep neb a aswonnyn y das ha'y vamm? Fatell lever ytho, “Devedhys ov vy yn-nans dhiworth nev”?’

Yowann 6:61

Yesu, ow konvedhes y dhyskyblon dhe grodhvolas a-dro dhe hemma a leveris dhedha, ‘A wra hemma agas sklandra?