Matthew 13:54 - An Bibel Kernewek 20234 (Kernewek Kemmyn)

⁵⁴ Ha wosa ev dhe dhos dh'y vro y honan, ev a's dyskas yn aga synaga, par mayth esa marth dhedha, hag yn-medhons, ‘A-ble kavas hemma an furneth ma ha'n oberow barthusek ma?

Matthew 13:54 Iomraidhean Croise

Salmow 22:22

My a dheriv dha hanow dhe'm breder; yn mysk an kuntelles my a'th wormel.

Matthew 2:23

hag ev eth dhe driga yn sita gelwys Nazareth may fe kollenwys an dra kewsys gans an profoes, ‘Ev a vydh henwys Nazaren.’

Matthew 4:23

Hag yth esa ow mos a-dro dres oll Galile ow tyski yn aga synagys ha pregoth aweyl an wlaskor ha sawya pub kleves ha pub dises yn mysk an bobel,

Matthew 7:28

Ha pan worfennas Yesu an lavarow ma, an bobel a's tevo marth a'y dhyskas;

Luk 2:47

hag yth esa marth gans peub a'n klewo, a'y gonvedhes ha'y worthybow.

Yowann 1:11

Ev a dheuth dh'y byth y honan, ha ny'n degemmeras y dus y honan.

Oberow 13:46

Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

1 Samuel 10:11

Ytho, pan y'n gwelas oll an re a'n aswonni kyns, hag ev ow profoesa gans an brofoesi, yn-medh an bobel an eyl dh'y gila, ‘Pandr'yw hemma, a hwarva dhe vab Kish? Usi Sowl ynwedh yn mysk an brofoesi?’