Matthew 13:44 - An Bibel Kernewek 20234 (Kernewek Kemmyn)

⁴⁴ ‘Arta, haval yw gwlaskor nev dhe dresor kelys yn gwel, ha den pan y'n kavas, a'n kudhas, hag yn y lowender, yth eth dhe wertha oll y byth ha prena an gwel na.

Matthew 13:44 Iomraidhean Croise

Job 28:13

Ny gonvedh den hy thalvosogeth, ha ny yll bos kevys yn tir an re vew.

Lavarow Koth 16:16

Ass yw gwell kavoes furneth ages owr, ha gwell yw dewis konvedhes ages arghans!

Lavarow Koth 17:16

Prag yma an pris yn dorn foll rag prena furneth, pan nag eus dhodho an golonn dh'y gavoes?

Lavarow Koth 18:1

Den diberthys dhiworth kowetha a hwila ragskeusow, ow strivya erbynn pub kusul len.

Lavarow Koth 23:23

Pren gwiryonedh ha na'n gwerth, pren furneth, dyskans ha konvedhes.

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Matthew 13:24

Ev a worras parabolenn arall a-ragdha, ow leverel, ‘Gwlaskor nev yw hevelebys dhe dhen a wonedhas has da yn y wel.

Matthew 13:46

ha pan gavas perl a bris meur yth eth ha gwertha oll a'n jeva hag a'n prenas.

Matthew 13:47

‘Arta, haval yw gwlaskor nev dhe roes tewlys y'n mor hag a guntellas pub eghenn a bysk.

Matthew 19:21

Yn-medh Yesu dhodho, ‘Mar mynnydh bos perfydh, ke ha gwerth an taklow eus dhis, ha ri dhe'n voghosogyon ha ty a gyv tresor y'n nevow; ha deus dhe'm holya.’

Matthew 19:27

Ena Peder a worthybis ha leverel dhodho, ‘Otta, ni re asas pup-tra oll ha'th holya; pandr'a vydh ragon ni ytho?’

Matthew 19:29

Ha pubonan neb re asas chiow po breder po hwerydh po tas po mamm po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh.

Matthew 6:21

rag le may ma agas tresor, ena y fydh agas kolonn ynwedh.

Luk 14:33

Yndella ytho, peub ahanowgh neb na hepkorro oll y bythow ny yll bos ow dyskybel.

Yowann 6:35

Yesu a leveris dhedha, ‘My yw an bara a vewnans; neb a dheu dhymmo vy ny'n jevydh nown bynitha, ha neb a grys ynnov vy ny'n jevydh syghes nevra.

Romanyon 15:4

Rag pypynag a veu skrifys kyns a veu skrifys rag agan dyski, rag may hwrellen der agan perthyans ha dre gonfort an skryptors, kavoes govenek.

Kolossianys 2:3

yn neb yma kudhys pub tresor a furneth ha godhvos.

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

Ebrowyon 10:34

Rag yn hwir hwi a geskodhevis gans an brisnoryon, ha hwi a wodhevis yn lowen ravnans agas pythow, a-ban wodhyewgh bos genowgh pythow gwell hag a bes.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.