Matthew 13:33 - An Bibel Kernewek 20234 (Kernewek Kemmyn)

³³ Parabolenn arall y leveris dhedha: ‘Gwlaskor nev yw haval dhe woell, a gemmeras benyn ha'y gemmyska yn tri musur a vleus bys pan wrug dhe oll an toes sevel.’

Matthew 13:33 Iomraidhean Croise

Jenesis 18:6

Hag Abraham a fistenas a-berth y'n tylda dhe Sara ha leverel, ‘Fisten, gwra pareusi tri sea a vleus fin. Toes e, ha gul torthow.’

2 Samuel 13:6

Ytho Amnon a wrowedhas, hag omwul klav; ha pan dheuth an myghtern dh'y weles, yn-medh Amnon dhe'n myghtern, ‘My a'th pys, gas Tamar ow hwoer dhe dhos, ha pareusi ragov diw dorth y'm golok, may hallav dhybri dhiworth hy leuv.’

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Matthew 13:24

Ev a worras parabolenn arall a-ragdha, ow leverel, ‘Gwlaskor nev yw hevelebys dhe dhen a wonedhas has da yn y wel.

Mark 13:20

Ha'n Arloedh mar ny wrella kott an dydhyow, ny via sawys kig vyth; mes a-barth an re dhewisys, neb a dhewisas ev, ev a wrug kott an dydhyow.

Luk 13:21

Haval yw dhe woell a wrug benyn y gemmeres ha'y gemmyska yn tri musur a vleus bys pan vo oll an toes sevys.’

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Galatianys 5:9

Temmik a woell a wra dhe oll an toes sevel.

Filippianys 1:6

ow trestya dhe'n keth tra ma: neb re dhallathas gwrians da ynnowgh dh'y gowlwul bys yn dydh Yesu Krist;

Filippianys 1:9

Ha hemma my a bys, may hwrello agas kerensa palshe moy ha moy yn godhvos ha pub konvedhes,

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

Breusysi 6:19

Ytho Gideon a entras yn y ji hag a bareusis gevrik, ha tesennow heb burm a efa a vleus; ev a worras an kig yn kanstell, ha'n kowl a worras yn pott, hag ev a's dros dhodho yn-dann an derebinthenn hag a's ros dhodho.

1 Samuel 1:24

Ha wosa hi dh'y dhidhena, hi a'n kemmeras yn-bann gensi, gans lodhen tri bloedh, hag unn efa a vleus, ha seth a win. Hi a'n dros dhe ji an Arloedh yn Shilo; ha'n maw o yowynk.