Matthew 13:15 - An Bibel Kernewek 20234 (Kernewek Kemmyn)

¹⁵ rag brys an bobel ma a veu gwrys talsogh ha poes yw klewans aga diwskovarn ha'ga lagasow re dhegesons, ma na wellons gans aga lagasow, na klewes gans aga skovornow na konvedhes gans aga holonn ha treylya, hag ytho my a wra aga sawya.”

Matthew 13:15 Iomraidhean Croise

Salmow 119:70

Maga tew avel an blonek yw aga holonn, mes my a lowenha y'th lagha.

Lavarow Koth 16:30

Neb a wynk gans y dhewlagas a dewl taklow treus, neb a wask y dhiwweus war-barth a gowlwra droktra.

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Ysay 57:18

My re welas y fordhow, mes my a'n yaghha; my a'n hembronk hag attyli konfort dhodho,

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Yeremia 17:14

Yaghha vy, A Arloedh, ha my a vydh yaghhes; salw vy ha my a vydh selwys: rag ty yw ow gormel.

Yeremia 17:9

An golonn yw fel dres pup-tra, ha drog dres remedi: piw a's aswonn?

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 33:6

Otta, my a dhre dhedha sawment ha yaghheans; my a's saw ha diskwedhes dhedha palster a gres ha gwiryonedh.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Mark 4:12

“rag may firons dhe wir, mes heb gweles, ha may klewons dhe wir, mes heb konvedhes, rag own i dhe dreylya, ha may fo gevys dhedha.” ’

Luk 19:42

ow leverel, ‘Mar kodhves, ty ynwedh, y'n jydh ma an taklow a led dhe gres! – mes lemmyn kudhys yns a'th tewlagas.

Oberow 28:27

Rag kolonn an bobel ma res eth ha bos talsogh, ha ny glewons gans aga diwskovarn, hag i re dhegeas aga dewlagas; ma na wrellens gweles nevra gans aga lagasow, na klewes gans aga skovornow, na konvedhes gans aga holonn, ha treylya, may hwrylliv vy aga sawya.”

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Oberow 7:57

Mes i a skrijas, ughel aga lev, ha stoppya aga diwskovarn, ha fyski war-barth bys dhodho.

2 Timothi 4:4

hag i a dreyl aga diwskovarn dhe-ves dhiworth an gwir hag i a dreyl war-tu ha hwedhlow.

Ebrowyon 5:11

A-dro dhe hemma, ni a'gan beus meur dhe leverel yw kales dhe styrya, rag hwi dhe vos lent agas diwskovarn.

Diskwedhyans 22:2

Yn kres hy stret, hag orth pub tu a'n avon, yma gwydhenn bewnans, ow toen dewdhek trevas a frut, ow ri hy frut pub mis, hag yma del an wydhenn rag yaghheans an kenedhlow.