Matthew 12:42 - An Bibel Kernewek 20234 (Kernewek Kemmyn)

⁴² Myghternes an dhyghowbarth a sev y'n vreus gans an henedh ma ha'y dhampnya, rag hi a dheuth dhiworth pennow an bys dhe glewes furneth Solomon, hag ottomma neppyth yw moy ages Solomon.

Matthew 12:42 Iomraidhean Croise

1 Myghternedh 10:24

Oll an bys a hwila lok Solomon rag klewes y furneth, re worrsa Duw yn y vrys.

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

1 Myghternedh 3:28

Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

1 Myghternedh 4:29

Duw a ros dhe Solomon furneth veur, konvedhes ha helder kolonn, kepar ha'n tewes war an vorlann,

1 Myghternedh 4:34

Tus a dho a'n kenedhlow oll rag klewes furneth Solomon; i a dho a vyghternedh oll an nor re glewsa a'y furneth.

1 Myghternedh 5:12

Ytho an Arloedh a ros furneth dhe Solomon, dell ambosas dhodho. Yth esa kres yntra Hiram ha Solomon; ha'ga dew a wrug kevambos.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Matthew 12:41

Gwer Nineve a sev yn-bann y'n vreus gans an henedh ma ha'y dhampnya; rag i a goedhas yn edrek orth pregoth Yona, hag ottomma neppyth moy ages Yona.

Matthew 12:6

Mes my a lever dhywgh bos omma neppyth yw brassa ages an tempel.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Dewteronomi 30:13

Ha nyns usi dres an mor, rag may leverri, ‘Piw a dremen dres an mor ragon ha'y gemmeres ragon, rag ma'n goslewyn, ha'y wul?’