Matthew 12:28 - An Bibel Kernewek 20234 (Kernewek Kemmyn)

²⁸ Mes mars yw dre Spyrys Duw y towlav vy dywolow yn-mes, ena gwlaskor Duw yw devedhys warnowgh.

Matthew 12:28 Iomraidhean Croise

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Matthew 12:18

‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Matthew 12:29

Po fatell yll nebonan mos a-bervedh yn chi den krev ha pylla y byth mar ny wra ev kyns oll kelmi an den krev hag ena pylla y ji?

Matthew 21:31

Pyneyl a'n dhew a wrug bodh y das?’ Yn-medhons, ‘An kynsa.’ Yesu a leveris dhedha, ‘Yn hwir y lavarav dhywgh, bos an dolloryon ha'n horys ow mones a-bervedh yn gwlaskor Duw kyns es dell wrewgh hwi.

Matthew 21:43

Rakhenna, my a lever dhywgh, gwlaskor Duw a vydh kemmerys a-dhiworthowgh ha res dhe genedhel a dheg hy threvas.

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Mark 1:15

hag ow leverel, ‘Kollenwys yw an termyn, ha gwlaskor Duw re dheuth nes; koedhewgh yn edrek, ha krysewgh y'n aweyl.’

Mark 11:10

Benniges yw gwlaskor agan tas Davydh, usi ow tos. Hosanna y'n ughelder!’

Mark 16:17

Ha'n toknys ma a wra holya an re a grys: yn ow hanow vy i a dewl yn-mes dywolow; dre davosow nowydh y hwrons kewsel;

Luk 10:11

“Hwath an doust a'gas sita hag a len orthyn, ni a'n shak dhe-ves er agas pynn; saw godhvydhewgh hemma, gwlaskor Duw re dheuth nes dhywgh.”

Luk 11:20

Mes mars yw dre vys Duw y towlav dywolow mes, ytho gwlaskor Duw yw devedhys warnowgh.

Luk 16:16

‘Yth esa an lagha ha'n brofoesi bys Yowann: alena rag, gwlaskor Duw yw pregewthys, ha peub a omherdh ynni dre nerth.

Luk 9:2

hag ev a's dannvonas yn-mes dhe bregoth gwlaskor Duw, ha dhe yaghhe an glevyon,

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Kolossianys 1:13

Ev a wrug agan delivra yn-mes a alloes an tewlder ha'gan gorra yn gwlaskor y Vab karadow,

Ebrowyon 12:28

Ytho godhvydhyn gras a dhegemmeres ruvaneth na yll degrena, ha rakhenna profyn dhe Dhuw gordhyans plegadow yn revrons hag agha;

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.