Matthew 11:5 - An Bibel Kernewek 20234 (Kernewek Kemmyn)

⁵ dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Matthew 11:5 Iomraidhean Croise

2 Myghternedh 5:14

Ena ev a dhiyskynnas hag omdroghya seythgweyth y'n Yordan, herwydh lavar gour Duw; ha'y gig a veu asverys kepar ha kig fleghik, ha glan o ev.

2 Myghternedh 5:7

Wosa redya an lyther, myghtern Ysrael a skwardyas y dhillas ha leverel, ‘Ov Duw, dhe ri mernans po bewnans, may tannvon an den ma ger dhymm rag yaghhe gour a'y lovryjyon? Mirewgh fatell usi ev ow hwilas kedrynn genev.’

Salmow 146:8

an Arloedh a re golok dhe'n dhellyon. An Arloedh a dhrehav an re plegys dhe'n dor; an Arloedh a gar an re wiryon.

Salmow 22:26

An dus truan a dheber hag a vydh lenwys; an re a hwila an Arloedh a'n gormel; re vewo agas kolonn bynnari.

Eksodus 4:11

Ha'n Arloedh a leveris dhodho, ‘Piw a ordenas ganow dhe dhen po piw a ordenas an avlavar po an bodharek, po den a wel po den dall? A nyns yw my, an Arloedh?

Ysay 29:18

Y'n jydh na an vodharogyon a glew geryow lyver, ha dhiworth duder ha tewlder dewlagas an dhellyon a wel.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 43:8

Dro yn-rag an bobel yw dall, mes yma dewlagas dhedha, an re yw bodhar, mes yma diwskovarn dhedha.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Zekaria 11:7

Ytho my a beskis an flokk rag an ladhva, ynwedh boghosogyon an flokk. My a gemmeras diw vagel ha my a henwis an eyl Hwekter ha'y ben Kolmow, ha my a beskis an flokk.

Matthew 10:8

Yaghhewgh an glevyon, drehevewgh an re varow, glanhewgh an glavorogyon, tewlewgh yn-mes an dhywolow; heb kost y tegemmersowgh, rewgh heb kost.

Matthew 11:4

Ha Yesu a worthybis ha leverel dhedha, ‘Ewgh dhe dherivas dhe Yowann an taklow a glewowgh hag a welowgh;

Matthew 12:13

Ena yn-medh ev dhe'n den, ‘Ystynn dha leuv.’ Hag ev a's ystynnas ha hi a veu restorys, yagh avel hy ben.

Matthew 21:14

Hag y teuth dhodho tus dhall hag evredhek y'n tempel hag ev a's yaghhas.

Matthew 5:3

‘Gwynn aga bys an re yw boghosek yn spyrys, rag dhedha i yw gwlaskor nev.

Matthew 9:30

Ha'ga dewlagas a veu igerys. Ha Yesu a a's gwarnyas yn straght ow leverel, ‘Gwaytyewgh na wodhvo denvyth.’

Mark 7:37

Hag yth o dhedha marth dres eghenn, hag yn-medhons, ‘Ev re wrug pup-tra yn fas; ev a wra dhe'n re vodhar klewes, ha dhe'n re avlavar kewsel.’

Mark 9:25

Mes pan welas Yesu routh dhe boenya war-barth, ev a rebukyas an spyrys avlan, ow leverel dhodho, ‘Ty spyrys avlavar ha bodhar, my a ergh dhis, deus yn-mes anodho, ha na wra mos ynno namoy.’

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Yowann 10:25

Yesu a worthybis dhedha, ‘My a leveris dhywgh, ha ny wrussowgh hwi krysi. An oberow a wrav yn hanow ow Thas, i a dheg dustuni ahanav;

Yowann 10:38

Mes mar kwrav, kyn na wrewgh krysi dhymm, krysewgh an oberow, rag may hwryllowgh godhvos ha krysi an Tas dhe vos ynnov vy, ha my y'n Tas.’

Yowann 2:23

Ytho pan esa ev yn Yerusalem y'n pask, y'n goel, lies a grysis yn y hanow ev, pan welsons an toknys a wrug.

Yowann 3:2

ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’

Yowann 5:36

Mes yma dhymm dustuni brassa es dell esa dhe Yowann; rag an oberow a ros dhymm an Tas dhe gowlwul, an oberow na a wrav, i a dheg dustuni ahanav, an Tas dhe'm dannvon.

Yowann 9:7

ha leverel dhodho, ‘Ke, omwolgh yn poll Siloam’ (hemm yw dhe styrya, Dannvenys). Ytho ev eth hag omwolghi, hag ev a dhehwelis ow kweles.

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?