Matthew 11:29 - An Bibel Kernewek 20234 (Kernewek Kemmyn)

²⁹ Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Matthew 11:29 Iomraidhean Croise

2 Kroniklys 10:11

Ow thas a worras warnowgh yew boes; my a geworr dh'agas yew. Ow thas a'gas skorjyas gans hwyppys, mes my a'gas skorj gans skorpyones.” ’

Salmow 116:7

Dehwel dhe'th powesva, ow enev, rag an Arloedh re beu da orthis.

Salmow 131:1

Arloedh, nyns yw ow holonn goethus, ha nyns yw ow dewlagas ughel; ny omrov dhe daklow meur, na dhe daklow re varthys ragov.

Lavarow Koth 3:17

Hy fordhow yw fordhow a hwekter, hag oll hy hynsyow yw kres.

Ysay 28:12

dhedha may leveris ‘Homm yw an bowesva, gwrewgh an den skwith dhe bowes, ha hemm yw tyller diskwitha’, mes ny vynnens klewes.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Niverow 12:3

Lemmyn an gour Moyses o pur glor, moy ages pub den oll war enep an nor.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 21:5

‘Lavar dhe vyrgh Sion, Awotta dha vyghtern a dheu dhiso klor hag esedhys war asen ha war ebel, mab asen.’

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Matthew 7:24

‘Pubonan ytho a woslow ow geryow ma hag a's gwra, a vydh hevelebys dhe wour fur neb a dhrehevis y ji war an garrek;

Luk 8:35

Ena i eth yn-mes dhe weles an pyth a hwarvia, hag i a dheuth dhe Yesu, ha kavoes an den may teuth an dhywolow yn-mes anodho esedhys orth treys Yesu; dillasys ha yagh y vrys; hag own a's teva.

Yowann 13:15

Rag my re ros dhywgh ensampel, may hwryllowgh hwi kepar dell wrugavy dhywgh.

Yowann 13:17

Mar konvedhowgh an taklow ma, gwynn agas bys mara's gwrewgh.

Oberow 7:37

Hemm yw an Moyses a leveris dhe vebyon Ysrael, “Duw a dhrehav ragowgh profoes dhiworth agas breder, dell y'm drehevis vy.”

1 Korinthianys 9:21

Dhe'n re a-ves dhe'n lagha my eth ha bos avel onan a-ves dhe'n lagha – kyn nag esov evy a-ves dhe lagha Duw, mes yn-dann lagha Krist – may hwaynnyen an re a-ves dhe'n lagha.

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

2 Korinthianys 10:5

ha pub tra woethus hag a sett orth godhvos Duw, hag ow talghenna yn keth pub tybyans rag gul dhodho bos gostydh dhe Grist,

Filippianys 2:5

Kemmerewgh yn agas mysk an tybyans ma esa ynwedh yn Krist Yesu;

1 Thessalonianys 4:2

Rag hwi a woer an gorhemmynnow a resen dhywgh der an Arloedh Yesu.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Ebrowyon 5:9

ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,

1 Yowann 2:6

Neb a lever ev dhe driga ynno, y tegoedh dhodho ynwedh kerdhes par dell gerdhi ev.