Matthew 11:28 - An Bibel Kernewek 20234 (Kernewek Kemmyn)

²⁸ Dewgh dhymmo vy oll hwi yw skwithys ha beghys poes, ha my a re powes dhywgh.

Matthew 11:28 Iomraidhean Croise

Job 14:1

‘Mab-den, genys a venyn, yw kott y dhydhyow, ha leun a anken.

Job 5:7

mes dineythys yw den dhe drobel dell wra gwryghon nija war-vann.

Salmow 116:7

Dehwel dhe'th powesva, ow enev, rag an Arloedh re beu da orthis.

Salmow 32:4

Rag dydhweyth ha nosweyth poes o dha leuv warnav; ow sugen o treylys kepar hag yn syghor hav. Sela.

Salmow 38:4

Rag ow hammweythresow res eth dres ow fenn, yth yns i avel begh re boes ragov.

Salmow 94:13

rag may rylli dhodho powesva dhiworth dydhyow anken, erna vo an pytt kleudhys rag an tebelwas.

Ekklesiastes 1:14

My re welas pup-tra yw gwrys yn-dann an howl: hag otta, yth yw oll hemma euveredh ha chasya war-lergh an gwyns.

Ekklesiastes 1:8

Oll an taklow ma yw skwithus: ny yll denvyth kewsel a-dro dhedha. Nyns yw an lagas gwalghys gans gweles, na'n skovarn gorlenwys gans klewes.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 28:12

dhedha may leveris ‘Homm yw an bowesva, gwrewgh an den skwith dhe bowes, ha hemm yw tyller diskwitha’, mes ny vynnens klewes.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Yeremia 31:25

Rag my re walghas an enev skwith, ha pub enev ahwerek my a dhaslenow.

Yeremia 35:16

Mebyon Yonadab mab Rekab re gollenwis an gorhemmynn a ros aga thas dhedha, mes ny woslowas orthiv an bobel ma.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Matthew 23:4

I a gelm beghyow poes ha kales dhe berthi ha'ga gorra war dhiwskoedh tus, mes i aga honan ny vynnons aga remova gans aga bys.

Yowann 6:37

Pup-tra a re an Tas dhymm a dheu dhymm, ha piwpynag a dheffo dhymm, ny wrav vy nevra y dewlel mes.

Yowann 7:37

Y'n jydh diwettha, dydh meur an goel, Yesu a sevis ha kria, ow leverel, ‘Den mara'n jeves syghes, des ev dhymmo vy, hag eva.

Oberow 15:10

Lemmyn, ytho, prag y prevowgh hwi Duw, ow korra war gonna an dhyskyblon yew na allas na'gan tasow na ni hy ferthi?

Oberow 20:35

Yn pup-tra my a dhiskwedhas dhywgh, y telledh, ow lavurya yndella, sokra an re wann ha perthi kov a eryow an Arloedh Yesu, dell leveris ev, “Moy gwynnvys yw ri ages degemmeres.” ’

Galatianys 5:1

Rag rydhses y hwrug Krist agan delivra; rakhenna sevewgh fast, na vedhewgh maglennys arta yn-dann yew a gethneth.

2 Thessalonianys 1:7

ha ri powes genen ni dhywgh hwi yw duwenhes, orth diskwedhyans an Arloedh Yesu dhiworth nev gans y eledh nerthek,

Ebrowyon 4:1

Ytho, ha'n ambos hwath gesys dhe entra dh'y bowesva, perthyn own na vo nagonan ahanowgh breusys a fyllel dh'y attaynya.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.