Matthew 11:23 - An Bibel Kernewek 20234 (Kernewek Kemmyn)

²³ Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn. Rag mar pe gwrys yn Sodom an oberow galloesek a veu gwrys ynnos jy, hi a wrussa durya bys y'n jydh hedhyw.

Matthew 11:23 Iomraidhean Croise

Jenesis 13:13

Mes tus Sodom o tebel ha peghadoryon dres eghenn dherag an Arloedh.

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Ezekiel 26:20

ena my a'th tre yn-nans gans an re a dhiyskynn dhe'n pytt, dhe'n bobel a dermynyow koth; ha my a'th wrav dhe driga y'n dor barth a-woeles, kepar hag yn magoryow an termynyow koth, gans an re a dhiyskynn dhe'n pytt, ma na ylli dehweles, na kavoes tyller yn mysk an re vew.

Ezekiel 31:14

Hemm yw ma na deffo an gwydh ryb an dowrow re ughel, ow settya aga thopp ynter an kommol. Na dyv gwydh nevra namoy dhe'n keth ughelder ma, oll an re a yv dowr; i oll yw destnys dhe'n mernans yn rannow isella an norvys; i a vydh yn mysk mebyon den, gans an re a dhiyskynn dhe'n pytt.

Ezekiel 32:18

Mab den, kyn war routh Ejyp, ha towl hi yn-nans, hi ha'n myrghes a genedhlow galloesek, bys yn rannow isella an norvys, gans an re a dhiyskynn dhe'n pytt.

Ezekiel 32:24

Yma Elam ena hag oll hy routh a-dro dh'y bedh; i oll ledhys, koedhys der an kledha, gyllys yn-nans antrodreghys dhe isella rannow an norvys; i a wrug euth yn tir an re vew. I a berth aga meth gans an re a dhiyskynn dhe'n pytt.

Obadia 1:4

Kyn nijydh ughel kepar ha'n er, ha kyn settydh dha neyth yn mysk an ster, my a'th tre yn-nans alena, yn-medh an Arloedh.

Matthew 10:15

Yn hwir y lavarav dhywgh, esya vydh hi dhe bow Sodom ha Gomorra dydh breus ages dhe'n sita na.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Matthew 17:24

Pan vons i devedhys dhe Kapernaum, kuntelloryon an didraghmon a dheuth dhe Peder ha leverel, ‘A ny wra agas Mester tyli an trubyt?’

Matthew 4:13

Ha wosa gasa Nazareth ev eth dhe driga yn Kapernaum ryb an mor yn oryon Zebulun ha Naftali,

Matthew 8:5

Ha pan eth ev a-bervedh yn Kapernaum, y teuth dhodho penn-kangour, orth y bysi,

Luk 10:15

Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn!

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’

Luk 16:23

hag yn ifarn, hag ev yn tormentys, ev a dhrehevis y dhewlagas, ha gweles Abraham y'n pellder, ha Lazarus yn y askra.

Luk 4:23

Hag ev a leveris dhedha, ‘Sur, hwi a lever dhymm an lavar ma, “Medhek, omyaghha dha honan! Gwra omma y'th vro dha honan an taklow gwrys yn Kapernaum, dell glewsyn.” ’

Oberow 2:27

rag ny vynnydh gasa ow enev yn ifarn na ri dha Sans dhe weles podredhes.

Oberow 2:31

ev a ragwelas ha kewsel a-dro dhe dhasserghyans Krist, “Ny veu gesys yn ifarn, ha ny wrug y gig gweles podredhes.”

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.

Diskwedhyans 11:8

Ha'ga horfow a wra growedha yn plen an sita vras yw gelwys yn spyrysel Sodom hag Ejyp, may feu aga Arloedh krowsys ynwedh.

Diskwedhyans 20:13

Ha'n mor a dhaskorras an re varow esa ynno hag ankow hag ifarn a dhaskorras an re varow esa ynna, hag y fons i breusys, pubonan war-lergh y wriansow.

Diskwedhyans 6:8

Ha my a welas, hag otta, margh glas; ha hanow neb o esedhys warnodho o Ankow, hag ifarn a siwyas ganso. Ha galloes a veu res dhedha war beswora rann an norvys dhe ladha gans kledha, ha gans divoetter, gans mernans ha gans bestes an norvys.