Matthew 11:20 - An Bibel Kernewek 20234 (Kernewek Kemmyn)

²⁰ Ena ev a dhallathas keredhi an sitys may feu gwrys ynna i an brassa rann a'y oberow galloesek drefenn na goedhsons yn edrek:

Matthew 11:20 Iomraidhean Croise

Yeremia 8:6

My a woslowas ha klewes, mes ny gewsons yn ewn: ny goedhas denvyth yn edrek a'y dhrogedh, ow leverel, ‘Pandr'a wrug vy’? I oll a dreyl dh'aga resegva, par dell fysk margh sket dhe'n vatel.

Matthew 12:41

Gwer Nineve a sev yn-bann y'n vreus gans an henedh ma ha'y dhampnya; rag i a goedhas yn edrek orth pregoth Yona, hag ottomma neppyth moy ages Yona.

Mark 16:14

Wosa henna ev a omdhiskwedhas dhe'n unnek hag i esedhys dhe dhybri, hag a's keredhis a'ga diskryjyans ha kaletter aga holonn, drefenn na wrussons krysi dhe'n re a'n gwelsa, hag ev dasserghys.

Mark 9:19

Mes ev a worthybis dhedha ha leverel, ‘A henedh diskryjyk, pes termyn y fydhav vy genowgh? Pes termyn y hwrav agas perthi? Drewgh e dhymm.’

Oberow 17:20

Rag ty a dhre dh'agan diwskovarn taklow marthys koynt; rakhenna ervirys on ni godhvos styr an taklow ma.’

2 Korinthianys 12:21

own a'm beus, pan dhov arta, ow Duw dhe'm uvelhe a-ragowgh, ha my dhe alari a-dro dhe lies a'n re neb re beghas kyns, heb kavoes edrek a'n plosedhes, nag a fornikasyon na drokhwans re wrussons.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Diskwedhyans 16:11

Hag i a vlasfemyas Duw nev drefenn aga faynys ha'ga podredhes, ha ny gemmersons edrek a'ga gwriansow.

Diskwedhyans 16:9

Ha tus a veu leskys dre doemmder bras, hag i a vlasfemyas hanow Duw neb a'n jeves galloes war an plaow ma, ha ny gemmersons edrek dhe ri gordhyans dhodho.

Diskwedhyans 2:21

Ha spas a res vy dhedhi dhe gemmeres edrek, mes ny vynn hi kemmeres edrek a'y fornikasyon.