Matthew 11:18 - An Bibel Kernewek 20234 (Kernewek Kemmyn)

¹⁸ Rag Yowann a dheuth heb dybri nag eva, hag yn-medhons, “Yma dyowl ganso”.

Matthew 11:18 Iomraidhean Croise

2 Myghternedh 9:11

Ena Yehu a dhehwelis dhe wesyon y arloedh, hag onan a leveris dhodho, ‘Yw pup-tra da? Prag y teuth an muskok ma dhis?’ Ev a worthybis dhedha, ‘Hwi a aswonn an gour ha'y gows.’

Yeremia 15:17

Ny esedhis yn kuntelles an re a wra ges, na ny lowenhis; my a esedhas ow honan drefenn dha leuv: rag ty a'm lenwis a sorrvann.

Yeremia 29:26

An Arloedh a'th wrug oferyas yn le Yehoyada an oferyas, dhe vos soedhogyon yn chi an Arloedh, rag pub muskok a omwra profoes, ma'n gorrydh yn stokkys hag yn kolor.

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Matthew 10:25

Lowr yw dhe'n dyskybel y vos avel y vester, ha'n kethwas avel y arloedh. Mar kalwsons mester an chi Belzebul, pygemmys moy y vayni ev?

Matthew 11:17

ha leverel, “Ni a bibas dhywgh ha ny wrussowgh donsya, ni a ganas galargan ha ny wrussowgh oela.”

Matthew 3:4

Ha dhe Yowann yth esa gwisk gwrys a vlew kowrvargh gans grogys a groghen a-dro dh'y dhiwglun, ha'y voes o lokustes ha mel gwyls.

Matthew 9:34

Mes an Fariseow a leveris, ‘Dre bryns an dhywolow ymava ow tewlel yn-mes an dhywolow.’

Mark 3:22

Ha'n skribys neb a dheuth yn-nans a Yerusalem a leveri, ‘Yma ganso Belzebul, ha dre bryns an dhywolow ymava ow tewlel mes dywolow.’

Luk 1:15

Rag ev a vydh meur a-dherag an Arloedh, ha gwin ha diwes ny wra ev dhe eva mann, ha lenwys vydh ev a'n Spyrys Sans, ha henna dhiworth brys y vamm,

Yowann 10:20

Lies a leveris, ‘Yma dyowl dhodho, ha varyes yw; prag y hwoslewowgh orto?’

Yowann 7:20

An routh a worthybis, ‘Yma dyowl dhis; piw a hwila dha ladha?’

Yowann 8:48

Ytho an Yedhewon a worthybis, ha leverel dhodho, ‘A ny leveryn yn ta, ty dhe vos Samaritan, ha dyowl dhe vos dhis?’

Yowann 8:52

Ena yn-medh an Yedhewon dhodho, ‘Lemmyn ni a woer bos dyowl genes. Abraham a verwis, ha'n brofoesi, ha ty a lever, “Piwpynag a wittho ow ger, ny wra ev tastya mernans bynitha.”

Oberow 26:24

Hag ev ow kul y dhefens y'n for' ma, Festus a leveris, ughel y lev, ‘Mes a'th rewl osta, Powl; yma meur a lyenn orth dha dreylya gorboellek.’

1 Korinthianys 9:27

mes my a gronk ow horf ha'y wul gostydh, ma na viv evy, wosa pregoth dhe re erell, gelwys anwiw.