Matthew 11:1 - An Bibel Kernewek 20234 (Kernewek Kemmyn)

¹ Ha pan worfennas Yesu y worhemmynnow dh'y dhewdhek dyskybel, ev a dremenas alena dhe dhyski ha dhe bregoth yn aga sitys.

Matthew 11:1 Iomraidhean Croise

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Matthew 4:23

Hag yth esa ow mos a-dro dres oll Galile ow tyski yn aga synagys ha pregoth aweyl an wlaskor ha sawya pub kleves ha pub dises yn mysk an bobel,

Matthew 7:28

Ha pan worfennas Yesu an lavarow ma, an bobel a's tevo marth a'y dhyskas;

Matthew 9:35

Hag yth esa Yesu ow mos a-dro yn oll an sitys hag y'n trevow, ow tyski yn aga synagys ha pregoth aweyl an wlaskor ha yaghhe pub kleves, ha pub dises.

Mark 6:12

Ytho yth ethons yn-kerdh ha pregoth, may koettha tus yn edrek.

Luk 23:5

Mes i a ynnias dhe greffa ow leverel, ‘Movya an bobel a wra ev, ow tyski dres oll Yudi, ow talleth dhiworth Galile bys omma.’

Luk 8:1

Ha wosa henna, yth esa ow tremena dre sitys ha trevow ow pregoth ha derivas an nowodhow da a wlaskor Duw; ha'n dewdhek esa ganso,

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 15:14

Hwi yw ow howetha mar kwrewgh pypynag a worhemmynnav dhywgh.

Oberow 1:2

bys y'n jydh may feu kemmerys yn-bann, wosa ev dhe ri gorhemmynnow der an Spyrys Sans dhe'n abesteli neb re dhewissa;

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 10:42

hag ev a erghis dhyn pregoth dhe'n bobel ha doen dustuni ev dhe vos neb re beu ordenys gans Duw avel breusyas a'n re vew ha'n re varow.

1 Thessalonianys 4:2

Rag hwi a woer an gorhemmynnow a resen dhywgh der an Arloedh Yesu.

2 Thessalonianys 3:10

Rag pan esen ni genowgh ynwedh, ni a worhemmynnis dhywgh: den mar ny vynn oberi, na wres ev dybri naneyl.

2 Thessalonianys 3:6

Ni a ergh dhywgh a vreder, yn hanow agan Arloedh Yesu Krist mayth omdennowgh dhiworth pub broder a gerdh yn tiek heb siwya an hengov a dhegemmersons dhiworthyn ni.

1 Timothi 6:14

may hwitthi an gorhemmynn heb namm, heb keredh, bys yn omdhiskwedhyans agan Arloedh Yesu Krist.