Matthew 10:33 - An Bibel Kernewek 20234 (Kernewek Kemmyn)

³³ ha piwpynag a'm denaggho a-rag tus, my ynwedh a'n denagh ev a-rag ow Thas eus y'n nevow.

Matthew 10:33 Iomraidhean Croise

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Mark 14:30

Ha Yesu a leveris dhodho, ‘Yn hwir y lavarav dhis, hedhyw, y'n nos haneth, kyns es kulyek dhe gana diwweyth, ty a'm nagh teyrgweyth.’

Mark 14:72

Hag a-dhesempis an kulyek a ganas an nessa gweyth. Ha Peder a borthas kov a'n ger a leveris Yesu dhodho, ‘Kyns es an kulyek dhe gana diwweyth, ty a'm denagh teyrgweyth.’ Hag ev a dhallathas oela.

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 12:9

Mes neb a'm denagh a-rag tus a vydh deneghys a-rag eledh Duw.

Luk 22:57

Mes ev a'n denaghas ow leverel, ‘Benyn, ny wrav vy y aswonn.’

Luk 9:26

Piwpynag ytho a'n jeffo meth ahanav vy ha'm lavarow, Mab an den a'n jevydh meth anodho pan dheffo yn y wolewder ev ha golewder an Tas ha'n eledh sans.

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

1 Yowann 2:23

Pub huni neb a nagh an Mab, na byth moy ny'n jeves an Tas; neb a aswonn an Mab a'n jeves an Tas ynwedh.