Matthew 10:21 - An Bibel Kernewek 20234 (Kernewek Kemmyn)

²¹ Broder a dhaskorr broder dhe'n mernans ha'n tas y flogh, ha fleghes a sev erbynn kerens ha gul dhedha bos ledhys.

Matthew 10:21 Iomraidhean Croise

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

Job 19:19

Oll ow hothmans a'm aborr ha'n re a garen re dreylyas er ow fynn.

Salmow 50:20

Ty a esedh ha kewsel erbynn dha vroder; ty a guhudh mab dha vamm.

Ysay 19:2

My a sett Ejyp erbynn Ejyp; pubonan a vatal orth y vroder, ha pubonan orth y gentrevek, sita orth sita, ruvaneth orth ruvaneth.

Zekaria 13:3

Mar kwra nebonan profoesa hwath, ena y das ha'y vamm a'n dineythis a lever dhodho, ‘Ny vewydh; rag ty re wowleveris yn hanow an Arloedh.’ Y das ha'y vamm a'n dineythis a wra y wana pan wra ev profoesa.

Matthew 24:10

Hag ena lies huni a wra koedha dhe-ves ha trayta ha kasa an eyl y gila.