Matthew 10:20 - An Bibel Kernewek 20234 (Kernewek Kemmyn)

²⁰ rag nyns yw hwi a gews mes Spyrys agas Tas neb a gews ynnowgh.

Matthew 10:20 Iomraidhean Croise

2 Samuel 23:2

Spyrys an Arloedh a gews dredhov, yma y lavar war ow thaves.

Eksodus 4:12

Ha lemmyn, ke, ha my, my a vydh gans dha anow ha dyski dhis an pyth a gewsydh.’

Matthew 6:32

Rag oll an taklow ma, an kenedhlow a's hwila; ha'gas Tas a nev a woer bos edhomm dhywgh a oll an taklow ma.

Mark 12:36

Davydh y honan a gewsis der an Spyrys Sans, “An Arloedh a leveris dhe'm Arloedh, ‘Ty esedh a'n barth dhyghow dhymm, erna worriv dha eskerens yn-dann dha dreys.’ ”

Luk 11:13

Hwi ytho, ow pos drog, mar kodhowgh ri rohow da dh'agas fleghes, pygemmys moy y re an Tas a nev an Spyrys Sans dhe seul a wovynn orto!’

Luk 12:12

rag an Spyrys Sans a dhysk dhywgh y'n eur na pandr'a goedh dhywgh y leverel.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Oberow 13:9

Mes Sowl (neb o Powl ynwedh), lenwys a'n Spyrys Sans, ow mires stark orto a leveris,

Oberow 2:4

hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

Oberow 28:25

Hag ow tisputya an eyl orth y gila, i a dhallathas omdenna, heb bos yn akord an eyl gans y gila, wosa Powl dhe leverel unn ger diwettha, ‘Yn ewn y kewsis an Spyrys Sans der an profoes Ysay orth agas tasow, ow leverel,

Oberow 4:8

Ena Peder, lenwys a'n Spyrys Sans, a leveris dhedha, ‘Rewloryon a'n bobel ha henavogyon,

Oberow 6:10

mes ny allsons sevel erbynn an furneth ha'n Spyrys mayth esa ow kewsel.

2 Korinthianys 13:3

a-ban hwilowgh hwi prov a Grist ow kewsel ynnov. Nyns yw ev gwann genowgh, mes galloesek yw yn agas mysk.

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

2 Peder 1:21

Rag ny dheuth profoesans bythkweth dre volonjedh mab-den, mes tus movyes gans an Spyrys Sans a gewsis a-dhiworth Duw.