Matthew 10:1 - An Bibel Kernewek 20234 (Kernewek Kemmyn)

¹ Ena ev a elwis y dhewdhek abostol hag a ros dhedha galloes war spyrysyon avlan rag aga thewlel yn-mes ha yaghhe pub eghenn a gleves ha dises.

Matthew 10:1 Iomraidhean Croise

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 26:20

Ha pan o devedhys an gorthugher, ev a esedhas orth an voes gans an dewdhek.

Matthew 26:47

Hag ev hwath ow kewsel, otta, Yudas, onan a'n dewdhek a dheuth, ha ganso routh veur ow toen kledhedhyow ha fustow, dhiworth an bennoferysi ha henavogyon an bobel.

Matthew 4:23

Hag yth esa ow mos a-dro dres oll Galile ow tyski yn aga synagys ha pregoth aweyl an wlaskor ha sawya pub kleves ha pub dises yn mysk an bobel,

Matthew 6:13

Ha na wra agan dri yn temptasyon, mes delirv ni dhiworth drog.

Matthew 9:35

Hag yth esa Yesu ow mos a-dro yn oll an sitys hag y'n trevow, ow tyski yn aga synagys ha pregoth aweyl an wlaskor ha yaghhe pub kleves, ha pub dises.

Matthew 9:38

pysewgh ytho Arloedh an drevas may tannvonno gonisysi bys yn y drevas.’

Luk 10:19

Awotta, my re ros dhywgh awtorita dhe drettya war serf ha skorpyons, ha war oll galloes an eskar, ha ny wra travyth agas pystiga mann.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Luk 24:49

Hag otta, my a dhannvon dedhewadyow ow Thas warnowgh; mes hwi, gortewgh y'n sita bys pan vowgh gwiskys gans galloes dhiworth an ughelder.’

Luk 6:13

Ha devedhys an jydh, ev a elwis y dhyskyblon dhodho, ha dewis dewdhek dhiworta, hag ynwedh ev a's henwis abesteli,

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 3:27

Yowann a worthybis ha leverel, ‘Ny yll den degemmeres travyth, marnas henna a vo res dhodho dhiworth an nevow.

Yowann 3:35

An Tas a gar an Mab hag ev re ros pup-tra yn y dhorn.

Yowann 6:70

Yesu a worthybis dhedha, ‘A ny wrugavy agas dewis, agas dewdhek? Hag onan ahanowgh yw dyowl.’

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 19:15

ha'n drog spyrys a worthybis ha leverel dhedha, ‘Yesu devri a aswonnav, ha Powl a gonvedhav, mes piw owgh hwyhwi?’

Diskwedhyans 12:1

Ha tokyn bras a veu gwelys yn nev; benyn gwiskys gans an howl, ha'n loer yn-dann hy threys, ha kurun a dhewdhek sterenn war hy fenn;