Matthew 1:20 - An Bibel Kernewek 20234 (Kernewek Kemmyn)

²⁰ Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 1:20 Iomraidhean Croise

Jenesis 31:11

Hag el Duw a leveris dhymm yn hunros, “Yakob”, ha my a leveris, “Ottavy.”

Jenesis 46:3

Hag yn-medh ev, ‘My yw Duw, Duw dha das Ysak. Na borth own a vos yn-nans dhe Ejyp, rag ena my a wra dhis bos kenedhel vras.

1 Myghternedh 17:13

Elias a leveris dhedhi, ‘Na borth own; ke ha gwra dell leversys; mes gwra dhymm kynsa tesenn vyghan ha'y dri dhymm, hag a-wosa gwra neppyth ragos ha rag dha vab.

1 Myghternedh 3:5

Yn Gibeon an Arloedh a omdhiskwedhas dhe Solomon yn hunros yn nos: ha Duw a leveris, ‘Govynn orthiv an pyth a vynnydh my dhe ri dhis.’

Salmow 119:125

Dha was ov vy, gwra dhymm konvedhes rag may hwodhviv dha dhustuniow.

Salmow 143:8

Gwra dhymm klewes dha dregeredh myttinweyth, rag ynnos jy y trestyav. Gwra dhymm godhvos an fordh y koedh dhymm kerdhes ynni, rag dhiso jy y trehavav ow enev.

Salmow 94:19

Yn prederow pals a-bervedh ynnov, dha hebaska a lowenha ow enev.

Lavarow Koth 12:5

Towlow an re wiryon yw ewn, mes gidyans an debeles yw fals.

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Ysay 7:13

Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Ysay 7:2

Y feu derivys dhe ji Davydh, ow leverel, ‘Aram yw keffrysyas Efraym’; ha'y golonn ha kolonn y bobel a grenas kepar dell gren gwydh an koes a-rag an gwyns.

Yeremia 31:22

Pes termyn a hokydh, A vyrgh dhislel? Rag an Arloedh re greatyas tra nowydh y'n nor: Benyn a dhifres gour.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Yeremia 40:9

Ha Gedalia mab Ahikam mab Shafan a dos dhedha ha dh'aga gwer, ow leverel, ‘Na vedhewgh ownek dhe servya an Kaldeanys. Gortewgh y'n tir ha servya myghtern Babylon, hag y fydh da genowgh.

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Matthew 1:18

Dineythyans Yesu Krist o yndellma. Pan via y vamm Maria ambosys dhe Yosep, kyns i dhe dhos war-barth, yth omgavas owth omdhoen der an Spyrys Sans.

Matthew 2:12

Ha gwarnyes dre hunros na wrellens dehweles dhe Herod, i a omdennas dh'aga fow war fordh arall.

Matthew 2:13

Wosa i dhe vos gyllys yn-kerdh, otta, el an Arloedh a omdhiskwedhas dhe Yosep dre hunros, ow leverel, ‘Sav yn-bann ha kemmer an flogh ha'y vamm ha fi dhe Ejyp ha bydh ena erna leverriv dhis; rag Herod a vynn hwilas an flogh rag y dhistrui.’

Matthew 2:19

Wosa Herod dhe verwel, awotta, el a'n Arloedh a omdhiskwedhas dhe Yosep dre hunros yn Ejyp,

Matthew 2:22

Mes pan glewas bos Arghelaus ow reynya yn Yudi yn le y das Herod own a'n jevo a vones dhi, ha wosa bos gwarnys dre hunros ev a omdennas dhe'n rannvro Galile,

Matthew 27:19

Ha pan ova esedhys yn barr an vreus, y wreg a dhannvonas dhodho, ow leverel, ‘Ty na wra mellya gans an den gwiryon na, rag my a wodhevis lower hedhyw yn hunros a'y wovis ev.’

Matthew 28:5

Mes an el a worthybis, ha leverel dhe'n benynes, ‘Na berthewgh own, rag my a woer hwi dhe hwilas Yesu neb a veu krowsys.

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Luk 2:4

Ha Yosep ynwedh eth yn-bann dhiworth Galile, yn-mes a'n sita Nazareth, dhe Yudi, dhe sita Davydh, Bethlehem y hanow, rag ev dhe vos a ji hag a linyeth Davydh,

Oberow 5:19

Mes nosweyth el an Arloedh a igoras darasow an prison, ha'ga hembronk yn-mes, ha leverel,

Diskwedhyans 19:7

Gwren lowenhe ha heudhhe, ha ri gordhyans dhodho; rag dydh demmedhyans an Oen a dheuva, ha'y wreg re ombareusis.

Breusysi 13:3

Hag el an Arloedh a omdhiskwedhas dhe'n venyn hag a leveris dhedhi, ‘Kynth os gownagh, ha ny dhuges fleghes, ty a wra omdhoen ha dineythi mab.