Matthew 1:12 - An Bibel Kernewek 20234 (Kernewek Kemmyn)

¹² Ha wosa an divroans dhe Babylon Yekonia a dhineythis Shealtiel, ha Shealtiel a dhineythis Zerubbabel,

Matthew 1:12 Iomraidhean Croise

2 Myghternedh 24:14

Ev a dhug oll Yerusalem yn divroedh, oll an spadhesigyon, oll an vreselyoryon, deg mil dhivres, oll an greftoryon ha'n wovyon: denvyth ny veu gesys, marnas boghosekka pobel an tir.

2 Myghternedh 25:27

Y'n seytegves blydhen warn ugens a dhivroedh Yehoyakin myghtern Yuda, y'n dewdhegves mis, y'n pympes dydh warn ugens a'n mis, Evil-merodak myghtern Babylon, y'n vlydhen may tallathas reynya, a livras myghtern Yehoyakin dhiworth prison;

1 Kroniklys 3:17

mebyon Yekonia, an prisner: Shealtiel,

Ezra 3:2

Ena Yeshua mab Yosadak a sevis, ha'y vreder an oferysi, ha Zerubbabel mab Shealtiel ha'y vreder, hag i a dhrehevis alter Duw Ysrael rag offrynna offrynnow leskys warnedhi, dell yw skrifys yn lagha Moyses gour Duw.

Ezra 5:2

Ena Zerubbabel mab Shealtiel, ha Yeshua mab Yosadak a sevis, ha dalleth dastrehevel chi Duw usi yn Yerusalem: ha gansa yth esa brofoesi Duw, orth aga gweres.

Nehemia 12:1

Lemmyn an re ma yw an oferysi ha'n Levysi a dheuth yn-bann gans Zerubbabel mab Shealtiel, ha Yeshua: Seraya, Yeremia, Ezra,

Yeremia 22:24

Dell vewav, yn-medh an Arloedh, kyn fe Konia mab Yehoyakim myghtern Yuda bysow ow leuv dhyghow, hwath alena my a'th torrsa

Yeremia 22:28

Yw an gour ma, Konia, pott pri terrys, lester ma nag eus plesour ynno? Prag yth yns tewlys yn-mes, ev ha'y has, ha tewlys yn tir na aswonnons?

Yeremia 22:30

Yndellma y lever an Arloedh, Skrifewgh an gour ma avel anvap, gour na sewen yn y dhydhyow; rag ny sewen nagonan a'y has, dhe esedha war dron Davydh, na rewlya arta yn Yuda.

Yeremia 27:20

na wrug Nebukadnessar myghtern Babylon aga hemmeres pan dhug yn divroedh Yekonia mab Yekoyakim myghtern Yuda a-dhiworth Yerusalem dhe Babylon, hag oll ugheloryon Yuda ha Yerusalem,

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 1:12

Ena Zerubbabel mab Shealtiel ha'n arghoferyas Yoshua mab Yosedek, gans oll remenant an bobel, a obayas lev an Arloedh aga Duw, ha geryow an profoes Haggay, dell y'n dannvonsa an Arloedh aga Duw, ha'n bobel a gemmeras own a-dherag an Arloedh.

Haggay 1:14

Ha'n Arloedh a wrug dhe spyrys Zerubbabel mab Shealtiel, governour Yuda, difuna, ha spyrys an arghoferyas Yoshua, mab Yosedek, ha spyrys oll remenant an bobel; hag i a dheuth hag oberi yn chi Arloedh an luyow, aga Duw,

Haggay 2:2

Lavar hemma dhe Zerubbabel mab Shealtiel, governour Yuda ha dhe'n arghoferyas Yoshua mab Yosedek, ha dhe remenant an bobel:

Haggay 2:23

Y'n jydh na, yn-medh Arloedh an luyow, my a'th kemmer, A Zerubbabel, ow gwas, mab Shealtiel, yn-medh an Arloedh, ha my a'th wra kepar ha bysow sel: rag my re'th tewisas, yn-medh Arloedh an luyow.

Matthew 1:11

ha Yosia a dhineythis Yekonia ha'y vreder ev yn prys aga divroans dhe Babylon.

Matthew 1:13

ha Zerubbabel a dhineythis Abiud, hag Abiud a dhineythis Elyakim, hag Elyakim a dhineythis Azor,

Matthew 1:17

Ytho oll an henedhow a Abraham bys Davydh o peswardhek henedh, hag a Davydh bys an divroans dhe Babylon o peswardhek henedh, hag a'n divroans dhe Babylon bys Krist o peswardhek henedh.

Luk 3:27

mab Yoanan, mab Rhesa, mab Zerubbabel, mab Shealtiel, mab Neri,