Mark 9:41 - An Bibel Kernewek 20234 (Kernewek Kemmyn)

⁴¹ Rag piwpynag a rollo dhywgh hanafas a dhowr dhe eva y'm hanow vy, drefenn agas bos dhe Grist, yn hwir y lavarav dhywgh, kammenn na gyll y wober.

Mark 9:41 Iomraidhean Croise

Matthew 10:42

Ha piwpynag a rollo unnweyth hanafas a dhowr yeyn dhe eva dhe onan a'n re vyghan ma, yn hanow dyskybel, yn hwir y lavarav dhywgh, kammenn ny gyll ev y wober.’

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Mark 4:10

Ha pan esa y honan, an re esa a-dro dhodho gans an dewdhek a wovynnas orto a-dro dhe'n parabolennow.

Romanyon 14:15

Mes mara'n jevydh dha vroder offens der an pyth a dhybrydh, ny gerdhydh na fella yn kerensa. Na as dha voes dhe dhistrui nebonan may ferwis Krist a'y wovis.

Romanyon 8:9

Mes nyns esowgh y'n kig, y'n Spyrys yth esowgh, mars usi Spyrys Duw trigys ynnowgh yn hwir. Neb na'n jeves Spyrys Krist nyns yw ev dhodho.

1 Korinthianys 15:23

Mes peub yn y dorn y honan: Krist an kynsa frut: wosa henna, orth y dhevones, an re yw dhe Grist.

1 Korinthianys 3:23

ha hwi yw dhe Grist, ha Krist yw dhe Dhuw.

2 Korinthianys 10:7

Hwi a vir orth traow herwydh aga semlans. Mar trest nebonan y vos dhe Grist, perthes kov a hemma: kepar dell yw ev dhe Grist, yndella ynwedh yth on ni.

Galatianys 3:29

ha mars owgh hwi dhe Grist, ytho yth owgh hwi has Abraham, heryon herwydh ambos.

Galatianys 5:24

Seul eus dhe Grist Yesu re growsyas an kig, keffrys ha'n yeunesow ha'n hwansow.