Mark 9:25 - An Bibel Kernewek 20234 (Kernewek Kemmyn)

²⁵ Mes pan welas Yesu routh dhe boenya war-barth, ev a rebukyas an spyrys avlan, ow leverel dhodho, ‘Ty spyrys avlavar ha bodhar, my a ergh dhis, deus yn-mes anodho, ha na wra mos ynno namoy.’

Mark 9:25 Iomraidhean Croise

Zekaria 3:2

An Arloedh a leveris dhe Satnas, ‘An Arloedh re'th kerettho, Satnas! An Arloedh, usi ow tewis Yerusalem, re'th kerettho! A nyns yw hemma yttew tennys mes a'n tan?’

Matthew 12:22

Ena y feu dres dhodho sagh dyowl, dall hag avlavar, hag ev a'n sawyas par may hylli an avlavar kewsel ha gweles.

Matthew 17:18

Ha Yesu a'n keredhis, ha'n jowl eth yn-mes anodho, ha'n flogh a veu yaghhes a-dhia'n keth eur na.

Mark 9:15

Hag a-dhesempis oll an routh, pan y'n gwelsons, o sowdhenys meur, ha poenya a wrussons bys dhodho ha'y salusi.

Mark 9:24

Hag a-dhesempis tas an flogh a grias gans dagrow ha leverel, ‘Arloedh, my a grys: ty gweres ow diskryjyans.’

Mark 9:26

Ha'n spyrys a grias, hag a ros dhodho lies shora, hag a dheuth yn-mes; hag y feu avel onan marow, may hwrug lies leverel, ‘Marow ywa.’

Luk 11:14

Hag yth esa ev ow tewlel yn-mes dyowl neb o avlavar; ha pan dheuth an jowl yn-mes, an den avlavar a gewsis, ha marth a's teva an routhow.

Luk 4:35

Mes Yesu a'n keredhis ow leverel, ‘Taw, ha deus yn-mes anodho!’ Ha wosa an jowl dh'y dewlel dhe'n dor yn aga mysk, ev eth yn-mes anodho, heb y bystiga vytholl.

Luk 4:41

Ha dywolow ynwedh a dho yn-mes a lies, ow kria ha leverel, ‘Ty yw Mab Duw.’ Mes ev a's keredhis, ha ny asas dhedha kewsel, rag yth aswonnsons ev dhe vos an Krist.

Luk 8:29

Rag ev a arghsa dhe'n spyrys avlan dos yn-mes a'n den. Rag lieskweyth an spyrys a'n dalghennsa, ha gwithys vedha, kelmys gans chaynys ha kargharow; mes ev a derri an kolmow, ha helghys vedha gans an jowl bys yn tylleryow difeyth.

Luk 9:42

Hag ev hwath ow tos, an jowl a'n torras ha'y dewlel dhe'n dor yn shora; ha Yesu a goskas an spyrys avlan ha yaghhe an maw ha'y dhaskorr dh'y das.

Oberow 16:18

Hi a wre hemma lies dydh. Mes Powl eth ha bos anniys meur, hag ow treylya ev a leveris dhe'n spyrys, ‘My a'th ergh yn hanow Yesu Krist dos yn-mes anedhi.’ Hag ev a dheuth yn-mes y'n keth eur na.

Lyther Yud 1:9

Pan argyas an arghel Mighal yn-dann strivya gans an jowl a-dro dhe gorf Moyses, ny vedhas ev ri breus a vlasfemi er y bynn, mes leverel, ‘Re'th kerettho an Arloedh’,