Mark 9:23 - An Bibel Kernewek 20234 (Kernewek Kemmyn)

²³ Ha Yesu a leveris dhodho, ‘Mar kyllydh? Pup-tra yw possybyl dhe neb a grysso.’

Mark 9:23 Iomraidhean Croise

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

Matthew 14:29

Ev a leveris, ‘Deus!’ Ha Peder a dhiyskynnas a'n gorhel ha kerdhes war an dowrow ha dos troha Yesu.

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

Mark 11:23

Yn hwir y lavarav dhywgh, piwpynag a lavarro dhe'n menydh ma “Ty bydh kemmerys yn-bann, ha bydh tewlys y'n mor” ha na dhouttyo yn y golonn, mes a grysso y hwyrvydh an pyth a gews, ev a'n kyv.

Mark 9:22

ha lieskweyth ev re'n tewlis yn tan hag yn dowrow rag y dhistrui; mes ty, mar kyllydh gul neppyth, kemmer truedh ahanan, ha gweres dhyn ni.’

Mark 9:24

Hag a-dhesempis tas an flogh a grias gans dagrow ha leverel, ‘Arloedh, my a grys: ty gweres ow diskryjyans.’

Luk 17:6

An Arloedh a leveris, ‘Mara'gas be fydh avel has kedhow, hwi a lavarsewgh dhe'n sykaminwydhenn ma, “Bydh ty diwreydhys ha plynsys y'n mor”, ha gostydh dhis y fia.

Yowann 11:40

Yn-medh Yesu dhedhi, ‘A ny leveris dhis, mar krysses, ty a welsa golewder Duw?’

Oberow 14:9

An den ma a woslowas orth Powl ow kewsel; ha Powl, ow hwithra warnodho hag ow kweles y'n jeva fydh may fe yaghhes,

Ebrowyon 11:6

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.