Mark 9:12 - An Bibel Kernewek 20234 (Kernewek Kemmyn)

¹² Mes ev a leveris dhedha, ‘Elias dhe wir a dheu kynsa ha restorya pub tra; fatell ytho yw skrifys a Vab an den ev dhe wodhevel lies tra ha bos dispresys?

Mark 9:12 Iomraidhean Croise

Salmow 74:22

Sav, A Dhuw, pled dha gen; porth kov a'n despit gwrys dhis gans an foll oll an jydh.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 50:6

My a ros ow heyn dhe'n re a'm gweskis, ha'm diwvogh dhe'n re a dennas an varv yn-mes; ny gudhis ow fas dhiworth despit ha trew.

Ysay 52:14

Par dell o lies hag a gemmeras skruth a'y wovis – mar dhifasys dell o y semlans, dres semlans gour, ha'y furv dres furv mebyon den –

Zekaria 11:13

Ha'n Arloedh a leveris dhymm, ‘Towl e dhe'n priweythor – an pris bryntin may hwrussons ow thalvos!’ Ha my a gemmeras an deg bath warn ugens a arghans ha'ga thewlel y'n chi an Arloedh dhe'n priweythor.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Malaki 4:6

Ev a dreyl kolonnow an tasow dhe'n fleghes, ha kolonnow an fleghes dh'aga thasow, rag own my dhe dhos ha gweskel an tir gans molleth.

Matthew 16:21

Alena rag, Yesu a dhallathas diskwedhes dh'y dhyskyblon y fia res dhodho mones dhe Yerusalem ha godhevel lies tra dhiworth an henavogyon ha'n bennoferysi ha'n skribys, ha bos ledhys, ha bos drehevys y'n tressa dydh.

Matthew 26:24

Yma Mab an den ow mos kepar dell yw skrifys anodho, mes go-ev an den na may ma Mab an den traytys ganso; da via dhodho, byth na ve genys an den na.’

Mark 10:33

‘Otta, mos a wren yn-bann dhe Yerusalem, ha Mab an den a vydh daskorrys dhe'n bennoferysi ha dhe'n skribys; hag i a wra y dhampnya dhe'n mernans, ha'y dhaskorr dhe'n Jentilys;

Mark 9:13

Mes my a lever dhywgh, bos Elias dhe wir devedhys, hag i re wrug dhodho pypynag oll a vynnens, kepar dell yw skrifys anodho.’

Mark 9:31

Rag ev a dhyski y dhyskyblon ha leverel dhedha, ‘Mab an den a vydh daskorrys yntra diwla tus, hag y hwrons y ladha, ha wosa bos ledhys, ev a dhassergh wosa trydydh.’

Luk 1:76

Ha ty, flogh, a vydh gelwys profoes an Ughella, rag ty a gerdh a-rag fas an Arloedh, dhe bareusi y fordhow,

Luk 23:11

Ha Herod, gans y soudoryon a'n despityas ha'y skornya, ha wosa y gwetha yn dillas splann ev a'n dannvonas arta dhe Pilat.

Luk 23:39

Hag onan a'n dhrogoberoryon kregys ena a'n despityas ow leverel, ‘A nyns osta an Krist? Omsaw dha honan ha saw ni ynwedh!’

Oberow 1:6

Ytho, hag i kuntellys war-barth, i a wovynnas orto, ow leverel, ‘Arloedh, a wre'ta y'n tor' ma daskorr an wlaskor dhe Ysrael?’

Oberow 4:11

Hemm yw “an men a veu skonys genowgh hwi, an weythoryon, re dheuth ha bos pennmen an korn.”