Mark 8:31 - An Bibel Kernewek 20234 (Kernewek Kemmyn)

³¹ Hag ev a dhallathas aga dyski, bos res dhe Vab an den godhevel lies tra, ha bos neghys gans an henavogyon ha gans an bennoferysi ha'n skribys, ha bos ledhys, ha wosa trydydh dasserghi.

Mark 8:31 Iomraidhean Croise

Salmow 118:22

An men a skonyas an weythoryon re dheuth ha bos pennmen an korn.

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Hosea 6:2

Wosa dew dhydh ev a wra agan dasvewa; y'n tressa dydh ev a wra agan drehevel, ha ni a vew a-ragdho.

Yona 1:17

An Arloedh a dhannvonas pysk bras dhe lenki Yona; ha Yona a veu yn torr an pysk tri dydh ha teyr nos.

Matthew 12:40

Rag kepar dell esa Yona yn torr an morvil tri dydh ha teyr nos, yndella y fydh Mab an den tri dydh ha teyr nos yn kolonn an nor.

Matthew 21:42

Yn-medh Yesu dhedha, ‘A ny redsowgh bythkweth y'n skryptors, “An men hag a veu skonys gans an weythoryon, henn yw gwrys pennmen an korn; gans an Arloedh y feu hemma gwrys, ha marthys yw yn agan dewlagas?”

Matthew 27:63

ow leverel, ‘Arloedh, yma kov dhyn an toeller na, pan o hwath yn few, dhe gewsel, “Wosa trydydh y hwrav dasserghi.”

Mark 12:10

A ny redsowgh hwi an skryptor ma: “An men hag a veu skonys gans an weythoryon, henn yw gwrys pennmen an korn;

Luk 17:25

Mes kyns oll res yw ev dhe wodhav lies tra ha bos neghys gans an henedh ma.

Luk 24:26

A nyns o res an Krist dhe wodhav an taklow ma hag entra yn y wolewder?’

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Yowann 12:48

Ev neb a'm nagh, ha na dhegemmer ow geryow, yma dhodho nebonan a wra y vreusi; an ger a gewsis vy, henna a wra y vreusi dydh fin.

Yowann 2:19

Yesu a worthybis ha leverel dhedha, ‘Diswrewgh an tempel ma, ha kyns penn trydydh my a'n drehav.’

Oberow 7:35

‘An Moyses ma, neb a naghsons, ow leverel, “Piw a'th ordenas bos rewler ha breusyas?” Duw a'n dannvonas dhe vos ha rewler ha selwyas dre leuv an el neb a omdhiskwedhas dhodho y'n bos.

1 Korinthianys 15:4

ha bos ynkleudhys, ha dasserghys dhe'n tressa dydh, herwydh an skryptors;

1 Samuel 10:19

Mes hedhyw, hwi re naghas agas Duw, neb a'gas delivras dhiworth oll agas droglammow ha'gas galarow. Mes hwi a leveris, “Nansi, mes gorr myghtern warnan.” Lemmyn ytho, sevewgh a-rag an Arloedh orth agas loethow hag orth agas kordhow.’

1 Samuel 8:7

ha'n Arloedh a leveris dhe Samuel, ‘Goslow orth lev an bobel yn pup-tra a leverons dhis; rag ny'th skonsons jy, mes i re'm skonyas vy a vones myghtern warnedha.