Mark 8:23 - An Bibel Kernewek 20234 (Kernewek Kemmyn)

²³ Hag ev a gemmeras an den dall er an leuv, ha'y hembronk mes a'n dre; ha wosa ev dhe drewa war y dhewlagas, ha gorra y dhiwla warnodho, ev a wovynnas orto, ‘A welydh tra?’

Mark 8:23 Iomraidhean Croise

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 51:18

Nyns eus denvyth dh'y hembronk yn mysk oll an vebyon re omdhuk; nyns eus denvyth dh'y synsi er an dhorn yn mysk oll an vebyon re vagas.

Yeremia 31:32

Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Mark 5:23

hag a'n pysis yn fen, ow leverel, ‘Yma ow myrgh vyghan yn eneworres; my a'th pys a dhos ha gorra dha dhiwla warnedhi, may fo sawys, ha bewa.’

Mark 7:33

Hag ev a'n kemmeras a-denewen yn-mes a'n routh, hag a worras y vysies yn y dhiwskovarn, hag a drewas, ha tochya y daves;

Mark 8:24

Hag ev a viras war-vann ha leverel, ‘My a wel tus, avel gwydh, ow kerdhes.’

Mark 8:26

Hag ev a'n dannvonas yn-kerdh dh'y ji, ow leverel, ‘Na wra mos hwath a-bervedh y'n dre, ha na wra y dherivas dhe dhenvyth y'n dre.’

Oberow 23:19

An tribun, orth y gemmeras er an leuv a-denewen yn privedh, a wovynnas, ‘Pyth eus dhis dhe dherivas dhymm?’

Oberow 9:8

Sowl a sevis dhiworth an dor ha pan veu igerys y dhewlagas, ny welas travyth; hag orth y ledya er an leuv, i a'n dros yn Damaskus.

Ebrowyon 8:9

dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.