Mark 7:4 - An Bibel Kernewek 20234 (Kernewek Kemmyn)

⁴ ha pan dheffons a'n varghasla, marnas i a omwolgh, ny dhebrons; ha lies tra arall yma, re dhegemmersons ha gwitha: golghi hanafow ha pychers ha lestri a vrest ha gweliow.

Mark 7:4 Iomraidhean Croise

Salmow 26:6

My a wolgh ow diwleuv yn gwiryonsys, ha mos a-dro dhe'th alter, A Arloedh,

Ysay 1:16

Omwolghewgh, omlanhewgh; kemmerewgh agas drog wriansow yn-mes a'm gwel; hedhewgh a gammwul,

Yeremia 35:5

Ha my a settyas a-rag an Rekabysi podigow leun a win, ha hanafow; ha my a leveris dhedha, ‘Evewgh gwin.’

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Matthew 23:25

‘Go-hwi, skribys ha Fariseow, falswesyon, rag hwi a lanha tu a-ves an hanaf ha'n skudell, mes an tu a-bervedh yw leun a arowder ha fowt omrewl.

Matthew 23:26

Ty Farise dall, kyns oll glanha tu a-bervedh an hanaf may fo glan an tu a-ves anodho.

Matthew 27:24

Ha Pilat, pan welas na ylli gwaynya travyth, mes yth esa freudh ow talleth, a gemmeras dowr ha golghi y dhiwla a-rag an routh ow leverel, ‘Glan yth o'ma a woes an den gwiryon ma. Hwi omgemmerewgh.’

Mark 7:8

Ha hwi, ow korra dhe denewen gorhemmynn Duw, a with hengov tus.’

Yowann 2:6

Hag yth esa ena hwegh seth-dowr gwrys a ven rag glanheansow an Yedhewon, ow synsi pubonan dew po tri firkin.

Yowann 3:25

Ena dadhel a sordyas yntra re a dhyskyblon Yowann hag unn Yedhow a-dro dhe lanheans.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.