Mark 7:37 - An Bibel Kernewek 20234 (Kernewek Kemmyn)

³⁷ Hag yth o dhedha marth dres eghenn, hag yn-medhons, ‘Ev re wrug pup-tra yn fas; ev a wra dhe'n re vodhar klewes, ha dhe'n re avlavar kewsel.’

Mark 7:37 Iomraidhean Croise

Jenesis 1:31

Ha Duw a welas pup-tra re wrussa hag awotta, yth o pur dha. Hag y feu gorthugher hag y feu myttin, an hweghves dydh.

Salmow 139:14

My a'th wormel, rag euthyk ha marthys osta. Marthys yw dha oberow, ha'm enev a woer hemma yn ta.

Ysay 29:18

Y'n jydh na an vodharogyon a glew geryow lyver, ha dhiworth duder ha tewlder dewlagas an dhellyon a wel.

Matthew 9:32

Ha wosa i dhe omdenna, y feu degys dhodho den avlavar dalghennys gans dyowl.

Mark 1:27

Hag yth ens i sowdhenys glan yn kettep penn, may hwrussons govynn an eyl orth y gila ow leverel, ‘Pandr'yw hemma? Dyskas nowydh gans awtorita! Ev a worhemmynn ynwedh dhe'n spyrysyon avlan, ha gostydh yns dhodho.’

Mark 2:12

Hag ev a sevis, hag ow kemmeres an gweli yn-bann a-dhesempis, ev eth yn-mes dherag a-wel anedha i oll, mayth esa marth dhedha i oll, ow kordhya Duw, ha leverel, ‘Bythkweth ny welsyn travyth a'n par ma.’

Mark 4:41

Mes own bras a's teva, hag yn-medhons an eyl dh'y gila, ‘Pyw ytho yw hemma, mayth yw gostydh dhodho keffrys an gwyns ha'n mor?’

Mark 5:42

Hag a-dhesempis an voren a sevis yn-bann, ha kerdhes; rag dewdhek bloedh o hi. Ha sowdhenys ens i gans marth bras.

Mark 6:51

Hag ev eth bys dhedha a-bervedh y'n gorhel; ha'n gwyns a hedhis. Ha marth bras a's teva yntredha aga honan dres musur, ha sowdhenys ens i;

Mark 7:36

Hag ev a erghis dhedha na lavarrens dhe dhenvyth; mes seul voy yth esa owth erghi dhedha dhe voy hwath i a'n dylli.

Mark 8:1

Y'n dydhyow na, pan esa routh vras arta heb travyth dhe dhybri, ev a elwis y dhyskyblon dhodho, ha leverel dhedha,

Luk 23:41

Ha ni yn tevri gwirvreusys, rag ni re gavas agan gober gwiw rag an taklow a wrussyn; mes hemma ny wrug travyth kamm.’

Oberow 14:11

Ha pan welas an routhow an pyth a wrussa Powl, i a dhrehevis aga lev, ow leverel yn Lykaonek, ‘An duwow re dhiyskynnas dhyn yn hevelep denel’,