Mark 7:34 - An Bibel Kernewek 20234 (Kernewek Kemmyn)

³⁴ hag ow mires war-vann troha nev, ev a hanasas, ha leverel dhodho, ‘Effatha’, henn yw, ‘Bydh igerys.’

Mark 7:34 Iomraidhean Croise

Eksodus 2:23

Ha dell hwarva y'n termyn hir na, myghtern Ejyp a verwis, ha mebyon Ysrael a gynis drefenn an gethneth ha kria, ha'ga kri a yskynnas dhe Dhuw, drefenn aga hethneth;

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Mark 1:41

Hag ev, ow kemmeres truedh, a ystynnas y leuv, ha'y dochya, ha leverel dhodho, ‘Mynnav; bydh glanhes.’

Mark 15:34

Hag y'n nawves eur Yesu a grias gans lev ughel, ‘Eloi, Eloi, lema sabaghthani?’, dhe styrya yw, ‘Ow Duw, ow Duw, prag y'm forsaksys?’

Mark 5:41

Hag ow kemmeres an flogh er an leuv, ev a leveris dhedhi, ‘Talitha kumi’, dhe styrya yw, ‘Moren, y lavarav dhis, sav!’

Mark 6:41

Ha wosa ev dhe gemmeres an pymp torth ha'n dhew bysk, ev a viras yn-bann dhe nev, ha benniga, ha terri an torthow, ha'ga ri dh'y dhyskyblon dhe worra a-ragdha, ha'n dhew bysk ev a's rannas yntredha oll.

Mark 7:35

Ha dihwans y dhiwskovarn a veu igerys, ha kolm y daves a veu digelmys, hag ev a gewsis yn ewn.

Mark 8:12

Hag owth hanasa down yn y spyrys, yn-medh ev, ‘Prag y hwila an henedh ma tokyn? Yn hwir y lavarav dhywgh, ny vydh res tokyn dhe'n henedh ma.’

Luk 18:42

Ha Yesu a leveris dhodho, ‘Gwel ty arta: dha fydh re'th sawyas.’

Luk 19:41

Ha pan dheuth nes, ow kweles an sita, ev a oelas warnedhi,

Luk 7:14

Hag ev a dheuth yn-rag ha tochya an eler, ha'n dhegoryon a hedhis; hag ev a leveris, ‘Den yowynk, my a lever dhis, sav yn-bann!’

Yowann 11:33

Yesu ytho, pan y's gwelas owth oela, ha'n Yedhewon a dheuth gensi ynwedh owth oela, ev a veu movyes y'n spyrys, ha troblys;

Yowann 11:35

Yesu a oelas.

Yowann 11:38

Yesu ytho, movyes arta ynno y honan, a dheuth dhe'n bedh. Fow ova, hag yth esa men ow krowedha a-dreus dhodho.

Yowann 11:41

Ytho i a gemmeras an men dhe-ves. Ha Yesu a dhrehevis y dhewlagas ha leverel, ‘A Das, my a woer gras dhis ty dhe'm klewes.

Yowann 11:43

Ha wosa kewsel yndella, ev a grias gans lev ughel, ‘Lazarus, deus mes!’

Yowann 17:1

Wosa kewsel an taklow ma, Yesu a dhrehevis y dhewlagas dhe nev ha leverel, ‘Tas, re dheuth an eur; ro glori dhe'th Vab, rag may hwrello dha Vab ri glori dhiso jy,

Oberow 9:34

Yn-medh Peder dhodho, ‘Ayneas, Yesu Krist a'th yaghha; sav yn-bann ha kempenn dha weli.’ Hag a-dhistowgh ev a sevis yn-bann.

Oberow 9:40

Mes Peder a's gorras i oll yn-mes, ha mos war benn-dewlin ha pysi; ena ow treylya dhe'n korf ev a leveris, ‘Tabitha, sav yn-bann.’ Ha hi a igoras hy dewlagas, ha pan welas hi Peder hi a esedhas yn-bann.

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.