Mark 7:15 - An Bibel Kernewek 20234 (Kernewek Kemmyn)

¹⁵ Nyns eus tra a'n tu a-ves dhe dhen, owth entra dhodho, a yll y dhefola, mes yth yw an taklow a dheu yn-mes anodho hag a wra defola an den.

Mark 7:15 Iomraidhean Croise

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Matthew 12:34

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

Matthew 15:16

Ev a leveris, ‘Owgh hwi hwath heb konvedhes, hwi ynwedh?

Mark 7:14

Ha wosa ev dhe elwel an routh dhodho arta, yn-medh ev dhedha, ‘Goslowewgh orthiv yn kettep penn, ha konvedhewgh.

Mark 7:16

Seul a'n jeffo diwskovarn rag klewes, ev klewes.’

Oberow 10:28

ha leverel dhedha, ‘Dell gonvedhowgh, erbynn lagha yw rag Yedhow kowethya gans estren po dos nes dhodho; mes Duw re dhiskudhas dhymm na dhegoedh dhymm gelwel denvyth kemmyn nag avlan;

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

1 Korinthianys 10:25

Dybrewgh pypynag yw gwerthys y'n varghas-kig heb hwithra travyth drefenn kowses;

Titus 1:15

Pup-tra yw glan dhe'n re yw glan, mes dhe'n re yw legrys ha diskryjyk, nyns yw travyth glan, mes legrys yw ha'ga brys ha'ga howses.

Ebrowyon 13:9

Na vedhewgh kemmerys a-denewen gans divers dhyskasow ankoth; rag da yw may fo krevhes an golonn dre ras, yn le dre boesow na veu dhe les dhe'n re a wra devnydh anedha.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.