Mark 6:48 - An Bibel Kernewek 20234 (Kernewek Kemmyn)

⁴⁸ Hag ev a's gwelas tewlys a-dro hag i ow roevya, rag bos an gwyns er aga fynn; hag a-dro dhe beswora goel an nos ev a dheuth dhedha ow kerdhes war an mor, hag a vynnsa tremena dresta.

Mark 6:48 Iomraidhean Croise

Jenesis 19:2

Hag yn-medh ev, ‘Ow arlydhi, treylyewgh, dell y'gas pysav, a-berth yn chi agas gwas; trigewgh dres nos, ha golghi agas treys. Ena hwi a sev a-varr ha mos war agas fordh.’ Yn-medhons i, ‘Na vynnyn, ni a vynn spena an nos y'n plen.’

Jenesis 32:26

Hag yn-medh ev, ‘Dannvon vy yn-kerdh, rag an jydh re dardhas.’ Hag yn-medh ev, ‘Ny vynnav dha dhannvon yn-kerdh marnas ty a wra ow benniga.’

Job 9:8

Ev y honan a ystynn an nevow, ha stankya war vordonnow an mor.

Salmow 104:3

neb a worr kebrow y jambouryow y'n dowrow, hag a wra an kommol y jarett, hag a gerdh war eskelli an gwyns;

Salmow 93:4

Kreffa ages dowrow meur, kreffa ages an mordonnow, yw an Arloedh, galloesek y'n ughelder.

Eksodus 14:24

Hag yn goel an myttin an Arloedh y'n goloven a dan ha kommol a viras war-woeles war lu an Ejyptianys, ha gorra lu an Ejyptianys yn deray,

Ysay 54:11

Ty druan, tewedhek, ha na veus konfortys, otta, my a sett dha veyn yn antimoni, ha'th fondya war selyow a saffir.

Matthew 14:24

Hag yth esa an gorhel yn kres an mor, tewlys yn harow gans an tonnow, rag an gwyns o er y bynn.

Matthew 24:43

Mes godhvydhewgh hemma: mar kodhve mester an chi yn py goel y to an lader, y fia ow koelyas ha ny wrussa gasa y ji dhe vos terrys.

Mark 13:35

Goelyewgh ytho; rag ny wodhowgh p'eur to mester an chi, po y'n gorthugher, po hanter-nos, po kulyek-kenys, po myttin,

Mark 6:47

Ha devedhys an gorthugher, yth esa an gorhel yn kres an mor, hag ev y honan war an tir.

Mark 6:49

Mes pan y'n gwelsons ow kerdhes war an mor, i a dybis y vos tarosvann, hag i a armas;

Luk 12:38

Ha mar teffa y'n nessa po y'n tressa goel ha'ga havoes yndella, gwynn aga bys an gethwesyon na.

Luk 24:28

Pan dheuthons nes dhe'n dre mayth esens ow mos, ev a wrug kepar dell ve ow mos pella.

Yowann 1:13

an re na veu genys a woes, nag a vynnas kig, nag a vynnas gour, mes a Dhuw.

1 Samuel 11:11

An nessa dydh Sowl a rannas an bobel yn teyr rann, hag orth goel an bora i a dheuth a-bervedh y'n kamp ha ladha an Ammonysi bys toemmder an jydh; ha'n re a veu gesys a skattras, ma nag esa dew anedha gesys war-barth.