Mark 6:34 - An Bibel Kernewek 20234 (Kernewek Kemmyn)

³⁴ Ha pan dheuth yn-mes, ev a welas routh veur, ha truedh a'n jeva anedha, rag yth ens avel deves heb bugel; hag ev a dhallathas dyski dhedha lies tra.

Mark 6:34 Iomraidhean Croise

1 Myghternedh 22:17

Ena Mikaya a leveris, ‘My a welas Ysrael oll keskerys war an menydhyow, avel deves na's teves bugel; ha'n Arloedh a leveris, “An re ma ny's teves mester; gas peub dhe vos tre yn kres.” ’

2 Kroniklys 18:16

Ena Mikaya a leveris, ‘My a welas oll Ysrael skattrys war an menydhyow, avel deves heb bugel, ha'n Arloedh a leveris, “Ny's teves mester, es pub onan tre yn kres.” ’

Ysay 13:14

Kepar hag ewik ownekhes, ha kepar ha deves heb denvyth dh'aga huntell, peub a dhehwel dh'y bobel, peub a fi dh'y dir y honan.

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Ezekiel 34:5

Skattrys vons, heb bugel; i a veu boes rag oll bestes an gwel.

Zekaria 10:2

An imajys re gewsis flows, ha'n goelyogyon re welas gwelesigethow gowek; i a dheriv fals hunrosow, i a re konfort euver. Ytho an dus a wander avel deves, yn ahwer, rag nyns eus bugel.

Niverow 27:17

neb a wra mos a-dheragdha ha dos a-ji a-ragdha, neb a's hembronk yn-mes ha'ga dri a-ji; ma na vo kuntelles an Arloedh avel deves na's teves bugel.’

Matthew 14:14

Ha pan diras, ev a welas routh veur, hag ev a veu movyes gans truedh ragdha, hag ev a yaghhas aga klevyon.

Matthew 15:32

Ena Yesu a elwis dhodho y dhyskyblon ha leverel, ‘Yma truedh dhymm a'n routh, rag i dhe vos genev nans yw tri dydh ha nyns eus gansa travyth dhe dhybri; ny vynnav aga dannvon yn-kerdh heb dybri, ma na glamderrons war an fordh.’

Matthew 9:36

Hag ev, ow mires orth an routhow, a gemmeras truedh anedha, drefenn aga bos troblys ha diweres kepar ha deves heb bugel.

Mark 6:33

Mes lies a's gwelas owth omdenna, ha's aswonnis, hag i a boenyas a-droes dhiworth pub sita, ha dos ena a-ragdha.

Mark 6:35

Ha lemmyn pan o an eur seulabrys diwedhes, y dhyskyblon a dheuth dhodho ha leverel, ‘Hemm yw tyller difeyth, ha lemmyn diwedhes yw an eur;

Mark 8:1

Y'n dydhyow na, pan esa routh vras arta heb travyth dhe dhybri, ev a elwis y dhyskyblon dhodho, ha leverel dhedha,

Mark 8:2

‘Truedh a'm beus a'n routh, drefenn i dhe vos genev nans yw tri dydh, ha nyns eus gansa travyth dhe dhybri;

Luk 9:11

Mes an routhow, pan glewsons, a'n siwyas; hag ev orth aga wolkomma a gewsis orta a wlaskor Duw, hag ev a yaghhas seul a'n jeva edhomm a yaghheans.

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.