Mark 6:20 - An Bibel Kernewek 20234 (Kernewek Kemmyn)

²⁰ rag Herod a'n jeva own a Yowann, ow kodhvos y vos gour ewn ha sans, hag ev a'n gwitha saw; ha pan y'n klewas yth o ankombrys bras, mes ev a'n goslowi yn lowen.

Mark 6:20 Iomraidhean Croise

1 Myghternedh 21:20

Ahab a leveris dhe Elias, ‘A'm kevsys, ow eskar?’ Ev a worthybis, ‘My re'th kavas. Drefenn ty dhe wertha dha honan dhe wul an pyth yw drog yn golok an Arloedh,

2 Myghternedh 13:14

Pan eth Elisha yn klav gans an kleves may ferwis anodho, Yehoash myghtern Ysrael a dheuth yn-nans dhodho hag oela a-ragdho, ha leverel, ‘A ow thas, ow thas! Charett Ysrael ha'y varghogyon!’

2 Myghternedh 6:21

Myghtern Ysrael a leveris dhe Elisha pan y's gwelas, ‘Ow thas, a wrav aga ladha? A wrav aga ladha?’

2 Kroniklys 24:2

Yoash a wrug an pyth o ewn yn golok an Arloedh oll dydhyow Yehoyada an oferyas.

2 Kroniklys 26:5

Yth esa ow hwilas mynnas Duw yn dydhyow Zekaria, neb a'n dyskas yn own Duw. Hedre ve ow hwilas mynnas an Arloedh, Duw a wrug dhodho seweni.

Eksodus 11:3

Ha'n Arloedh a ros gras dhe'n bobel yn golok an Ejyptianys. Dhe voy, Moyses o gour pur veur yn pow Ejyp, yn golok servysi Faro hag yn golok an bobel.

Ezekiel 33:32

Nyns osta dhedha marnas kaner a ganow kerensa gans lev teg, ha nebonan a sen daffar menestrouthi yn ta; i a glew dha eryow, heb aga gul.

Daniel 4:18

‘An hunros ma a welis vy, myghtern Nebukadnessar. Ty, A Belteshassar, deriv hy styr, rag na ylli oll an dus fur y'm ruvaneth diskwedhes dhymm hy styr; mes ty a yll, rag bos ynnos spyrys an duwow sans.’

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Daniel 5:17

Ena Daniel a worthybis a-rag an myghtern, ‘Dha rohow re bons ragos jy dha honan, ha ro dha bewasow dhe gen dhen; byttegyns my a red an skrif dhe'n myghtern, ha diskwedhes dhodho y styr.

Matthew 14:5

Ha pan vynnas y ladha, ev a borthas own a'n routh, rag i dh'y synsi avel profoes.

Matthew 21:26

Ha mar leveryn, “A dus”, own a'gan beus a'n routh, rag pubonan a syns Yowann dhe vos profoes.’

Mark 11:18

Ha'n bennoferysi ha'n skribys a glewas, hag i a hwila fatell allens y dhistrui; rag i a's teva own anodho drefenn bos marth gans oll an routh a'y dhyskas.

Mark 4:16

Ha'n re erell keffrys yw an re a veu hesys war an veynek, ha wosa i dhe glewes an ger, i a'n degemmer a-dhistowgh gans lowena;

Yowann 5:35

Ev a veu lugarn ow leski hag ow splanna, ha hwi a vynnas bos pur lowen pols yn y wolow.

Oberow 2:12

Ha marth o gansa i oll, ha sowdhenys ens, ow leverel an eyl dh'y gila, ‘Pyth yw an styr a hemma?’

Oberow 5:24

Lemmyn pan glewas kapten an tempel ha'n bennoferysi an geryow ma, penndegys meur ens i, owth omwovynn pandr'a vedha siwyans hemma.