Mark 6:2 - An Bibel Kernewek 20234 (Kernewek Kemmyn)

² Ha pan o devedhys an sabot, ev a dhallathas dyski y'n synaga, ha lies, orth y glewes, a's teva marth, hag yn-medhons, ‘A-ble teuth dhodho an taklow ma? Ha pyth yw an furneth re beu res dhodho, ha'n oberow galloesek ma gwrys gans y dhiwla?

Mark 6:2 Iomraidhean Croise

Matthew 4:23

Hag yth esa ow mos a-dro dres oll Galile ow tyski yn aga synagys ha pregoth aweyl an wlaskor ha sawya pub kleves ha pub dises yn mysk an bobel,

Matthew 7:28

Ha pan worfennas Yesu an lavarow ma, an bobel a's tevo marth a'y dhyskas;

Mark 1:39

Hag ev a dheuth ow pregoth yn aga synagys dres oll Galile, ow tewlel yn-mes an dhywolow.

Mark 10:1

Hag ev a sevis alena ha dos bys yn oryon Yudi ha dres an Yordan; ha routhow a dheuth war-barth dhodho arta, ha kepar dell o y us, ev a's dyski arta.

Luk 2:47

hag yth esa marth gans peub a'n klewo, a'y gonvedhes ha'y worthybow.

Luk 4:15

Hag ev a dhyski yn aga synagys, enorys gans pub den oll.

Yowann 6:42

hag yn-medhons, ‘A nyns yw hemma Yesu mab Yosep neb a aswonnyn y das ha'y vamm? Fatell lever ytho, “Devedhys ov vy yn-nans dhiworth nev”?’

Yowann 7:15

Marth a's teva an Yedhewon, ow leverel, ‘Fatell yll ev bos lettrys, pan na studhyas bythkweth?’