Mark 5:34 - An Bibel Kernewek 20234 (Kernewek Kemmyn)

³⁴ Hag yn-medh ev dhedhi, ‘Myrgh, dha fydh re'th sawyas; ke yn kres, ha bydh yagh a'th plag.’

Mark 5:34 Iomraidhean Croise

2 Myghternedh 5:19

Ev a leveris dhodho, ‘Ke yn kres.’ Mes wosa ev dhe vos gyllys dhiworto pellder byghan,

Ekklesiastes 9:7

Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Levitikus 14:48

Ha mar teu an oferyas a-bervedh ha'y hwithra ha ny wrug an pla omlesa y'n chi wosa an chi dhe vos plastrys, an oferyas a dhest bos an chi glan, rag yaghhes yw an pla.

Matthew 9:2

Hag ena i a dhug dhodho unn palsi a'y wrowedh war weli. Yesu pan welas aga fydh a leveris dhe'n palsi, ‘Gwellha dha jer, ow flogh; gevys yw dha beghosow.’

Matthew 9:22

Mes Yesu a dreylyas, hag orth hy gweles, yn-medh ev, ‘Gwellha dha jer, ow myrgh; dha fydh re'th sawyas.’ Ha'n venyn a veu sawys a'n eur na.

Mark 10:52

Ha Yesu a leveris dhodho, ‘Ke yn-rag; dha fydh re'th sawyas.’ Hag a-dhesempis ev a gavas y weles, hag a'n holyas y'n hyns.

Mark 3:10

rag ev a wrussa sawya lies, mayth esa kemmys a's teva plagys ow kwaska warnodho rag y dochya.

Mark 5:29

Hag a-dhesempis fenten hy goes a veu desyghys; ha hi a wodhva yn hy horf hy bos yaghhes a'n plag.

Mark 5:33

Mes an venyn, gans own hag ow krena, ow kodhvos pandr'a veu dhedhi gwrys, a dheuth ha koedha dhe'n dor a-ragdho, ha derivas dhodho an gwiryonedh oll.

Luk 17:19

Hag yn-medh ev dhodho, ‘Sav yn-bann, ha ke; dha fydh re'th sawyas.’

Luk 18:42

Ha Yesu a leveris dhodho, ‘Gwel ty arta: dha fydh re'th sawyas.’

Luk 7:50

Hag ev a leveris dhe'n venyn, ‘Dha fydh re'th sawyas; ke yn kres.’

Luk 8:48

Ev a leveris dhedhi, ‘Myrgh, dha fydh re'th sawyas; ke yn kres.’

Oberow 14:9

An den ma a woslowas orth Powl ow kewsel; ha Powl, ow hwithra warnodho hag ow kweles y'n jeva fydh may fe yaghhes,

Oberow 15:33

Wosa i dhe wortos neb spys, dannvenys vons dhe-ves yn kres gans an vreder dhe'n re neb a's dannvonsens.

Oberow 16:36

Ha'n jayler a dherivas an geryow ma dhe Powl, ‘An justisyow re dhannvonas may fowgh hwi delivrys. Lemmyn, ytho, dewgh yn-mes ha kewgh yn kres.’

Jamys 2:16

ha mar lever nebonan ahanowgh dhedha, ‘Kewgh yn kres, bedhewgh toemm ha lenwys’, mes ny rowgh dhedha an taklow yw res dhe'n korf, pyth yw an les?

1 Samuel 1:17

Ena Eli a worthybis ha leverel, ‘Ke yn kres; ha re wrontyo Duw Ysrael dhis dha bysadow a wovynnsys orto.’

1 Samuel 20:42

Ena yn-medh Yonathan dhe Davydh, ‘Ke yn kres, a-ban wrussyn ti an eyl gans y gila yn hanow an Arloedh, ow leverel, “An Arloedh a vydh yntra my ha ty, hag ynter ow henedh vy ha dha henedh ji, bys vykken.” ’ Ev a sevis yn-bann hag omdenna; ha Yonathan eth y'n sita.