Mark 5:33 - An Bibel Kernewek 20234 (Kernewek Kemmyn)

³³ Mes an venyn, gans own hag ow krena, ow kodhvos pandr'a veu dhedhi gwrys, a dheuth ha koedha dhe'n dor a-ragdho, ha derivas dhodho an gwiryonedh oll.

Mark 5:33 Iomraidhean Croise

Salmow 30:2

A Arloedh ow Duw, my a grias warnas, ha ty re'm yaghhas.

Salmow 66:16

Dewgh ha klewewgh, oll hwi a berth own a Dhuw, ha my a dheriv an pyth a wrug ev rag ow enev.

Mark 4:41

Mes own bras a's teva, hag yn-medhons an eyl dh'y gila, ‘Pyw ytho yw hemma, mayth yw gostydh dhodho keffrys an gwyns ha'n mor?’

Mark 5:32

Hag ev a viras a-dro rag gweles neb re wrussa hemma.

Mark 5:34

Hag yn-medh ev dhedhi, ‘Myrgh, dha fydh re'th sawyas; ke yn kres, ha bydh yagh a'th plag.’

Luk 1:12

Ha troblys veu Zakaria orth y weles, hag own a goedhas warnodho.

Luk 1:29

Mes troblys yn feur veu hi gans y lavar, ha hi a ombrederi py par salusyans a vedha hemma.

Luk 8:47

Ha'n venyn, pan welas hi dhe vos diskudhys, a dheuth yn unn grena ha wosa koedha a-dheragdho hi a dherivas a-rag oll an dus prag y hwrug hi y dochya, ha fatell via hi yaghhes a-dhesempis.