Mark 5:23 - An Bibel Kernewek 20234 (Kernewek Kemmyn)

²³ hag a'n pysis yn fen, ow leverel, ‘Yma ow myrgh vyghan yn eneworres; my a'th pys a dhos ha gorra dha dhiwla warnedhi, may fo sawys, ha bewa.’

Mark 5:23 Iomraidhean Croise

2 Myghternedh 5:11

Mes Naaman o serrys hag eth dhe-ves ha leverel, ‘My a grysi y teffa ev dhymm yn sur, ha sevel, ha gelwel war anow an ARLOEDH, ha gweskel y dhorn a-ugh an tyller ha yaghhe an lovryjyon.

Salmow 107:19

Ena i a elwis war an Arloedh yn aga foenvos, hag ev a's delivras dhiworth aga ankres.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Matthew 8:3

Ha Yesu owth ystynn i leuv a'n tochyas ha leverel, ‘Mynnav, bydh glan’; ha dihwans y lovryjyon a veu glanhes.

Mark 16:18

hag i a gemmer serf yn-bann yn aga diwla, ha mar evons gwenon marwel, ny wra henna aga fystiga; i a worr diwla war an glevyon hag y fydhons yagh.’

Mark 5:24

Ytho ev eth dhe-ves ganso. Ha routh veur a'n holyas, ha'y waska.

Mark 6:13

Hag i a dewlis yn-mes lies dyowl, hag untya gans olew lies o klav, ha'ga sawya.

Mark 7:32

Hag i a dhros dhodho onan o bodhar hag avlavar; hag i a'n pysis a worra y leuv warnodho.

Mark 8:23

Hag ev a gemmeras an den dall er an leuv, ha'y hembronk mes a'n dre; ha wosa ev dhe drewa war y dhewlagas, ha gorra y dhiwla warnodho, ev a wovynnas orto, ‘A welydh tra?’

Luk 13:13

Hag ev a worras y dhiwleuv warnedhi; ha hware hi a sevis a'y sav ha gordhya Duw.

Luk 4:38

Ena ev a sevis ha gasa an synaga, ha dos yn chi Simon. Hweger Simon o grevys gans fevyr meur, hag i a wovynnas orto a-dro dhedhi.

Luk 4:40

Lemmyn pan veu an howl ow sedhi, oll myns a'n jeva tus klav gans divers klevesow a's dros dhodho; hag ev a worras y dhiwleuv war bubonan anedha ha'ga yaghhe.

Luk 7:12

Ha pan dheuth nes dhe yet an sita, awotta den re varwsa neb eses orth y dhoen yn-mes, an unn vab a'y vamm, ha hi gwedhwes, hag yth esa routh veur a'n sita gensi.

Yowann 11:3

Ytho an hwerydh a dhannvonas dhodho ow leverel, ‘Arloedh, otta, ev neb a gerydh yw klav.’

Oberow 28:8

Dell hwarva, yth esa tas Publius a'y wrowedh ow kodhav terthennow ha'n skit. Powl a entras dhodho ha pysi, ow korra y dhiwla warnodho, ha'y sawya.

Oberow 6:6

I a settyas an re ma a-dherag an abesteli, hag i a bysis ha gorra aga diwla warnedha.

Oberow 8:17

Ena i a worras aga diwla warnedha, hag i a dhegemmeras an Spyrys Sans.

Oberow 9:12

hag ev re welas yn hunros gour henwys Ananias ow tos a-ji hag ow korra y dhiwla warnodho, may hwello arta.’

Oberow 9:17

Hag Ananias eth dhe-ves hag entra y'n chi, hag ow korra y dhiwla warnodho ev a leveris, ‘Broder Sowl, an Arloedh re'm dannvonas, Yesu neb a omdhiskwedhas dhis y'n fordh may teuthys, may hwylli arta, ha bos lenwys a'n Spyrys Sans.’