Mark 5:13 - An Bibel Kernewek 20234 (Kernewek Kemmyn)

¹³ Hag ev a ros dhedha kummyas, ha'n spyrysyon avlan eth yn-mes, hag entra dhe'n mogh, ha'n flokk, neb dew vil, a boenyas gwyls yn-nans dres an lann serth bys y'n mor hag y fons beudhys y'n mor.

Mark 5:13 Iomraidhean Croise

1 Myghternedh 22:22

“Fatell?” an Arloedh a wovynnas orto. Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

Job 1:12

Yn-medh an Arloedh dhe Satnas, ‘Otta, yma pup-tra oll a'n jeves y'th halloes, saw warnodho y honan na ystynn dha leuv.’ Ytho Satnas eth yn-rag mes a wel a'n Arloedh.

Job 2:6

An Arloedh a leveris dhe Satnas, ‘Otta, yma ev y'th halloes, saw spar y vewnans.’

Matthew 7:6

Na rewgh dhe'n keun an pyth yw sans, ha na dewlewgh agas perlys a-rag mogh, rag own i dh'aga threttya yn-dann dreys ha treylya dh'agas skwardya hwi.

Matthew 8:32

Hag yn-medh ev dhedha, ‘Ewgh ytho.’ Hag ow tos yn-mes, yth ethons a-bervedh y'n mogh; hag oll an flokk a boenyas gwyls yn-nans dres an lann serth bys y'n mor, ha merwel y'n dowrow.

Mark 5:12

Hag oll an dhywolow a'n pysis, ‘Dannvon ni a-bervedh y'n mogh, may hyllyn entra dhedha.’

Mark 5:14

Ha'n re a's bugelya a fias dhe'n fo ha derivas an dra y'n sita hag y'n pow; hag i a dheuth rag gweles an pyth o hwarvedhys.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

1 Peder 3:22

usi a dhyghow dhe Dhuw, gyllys yn nev, gans eledh ha potestatys ha nerthow gwrys gostydh dhodho ev.

Diskwedhyans 20:7

Ha pan vo an mil vlydhen gorfennys, Satnas a vydh delivrys yn-mes a'y brison.

Diskwedhyans 9:11

Yma myghtern a-ughta i, yw el an pytt diwoeles, yn Ebrow Abaddon y hanow, hag yn Greka Apollyon.