Mark 4:32 - An Bibel Kernewek 20234 (Kernewek Kemmyn)

³² ha wosa hy bos hesys, hi a dyv yn-bann, hag a dheu ha bos brassa ages oll an losow, hag a dheg skorrennow meur, may hallo ydhyn an nevow triga yn-dann an goskes anedhi.’

Mark 4:32 Iomraidhean Croise

Salmow 104:12

Rybdha y trig ydhyn an nevow, ha kana yn mysk an skorrennow.

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

An Gan a Ganow 2:3

Avel avalenn yn mysk gwydh an goeswik, yndella yw ow haradow yn mysk an vebyon. Gans meur a dhesir my a esedhas yn y woskes, ha hweg o y frut dhe'm stevnik.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Ezekiel 17:23

Yn ughella menydh Ysrael my a'n plans, may hallo dri yn-mes skorrennow ha doen frut, ha dos ha bos kederwydhenn vryntin, ha pub par edhen a drig yn-danno, ha pub par kreatur askellek a drig yn skeus y skorrennow.

Matthew 13:32

Hi yw an byghanna a oll an hasennow, mes pan vo tevys, an brassa yw hi yn mysk oll an losow ha hi a dheu ha bos gwydhenn may teu ydhyn an ayr ha triga yn hy skorrennow.’

Mark 4:31

Yth yw kepar ha hasenn kedhow, ha hi pan vo hesys yn dor, byghanna yw ages oll an hasennow usi y'n dor;

Mark 4:33

Dre lies parabolenn a'n par na yth esa ow terivas an ger dhedha, kepar dell esa dhedha galloes a'y glewes;