Mark 4:24 - An Bibel Kernewek 20234 (Kernewek Kemmyn)

²⁴ Hag yn-medh ev dhedha, ‘Bedhewgh war a'n pyth a glewowgh. Gans an musur a vusurowgh, y fydh musurys dhywgh hwi: ha dhywgh hwi neb a woslow, moy a vydh res.

Mark 4:24 Iomraidhean Croise

Lavarow Koth 19:27

Mar astelydh, ow mab, goslowes orth dyskans, ena yth edh yn stray dhiworth geryow godhvos.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Yeremia 17:21

Yndellma y lever an Arloedh: Gwaytyewgh, rag agas enevow, na dhegewgh begh yn dydh an sabot, na'y dri dre yetow Yerusalem;

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Mark 9:7

Hag y teuth kommolenn ha tewlel skeus warnedha; ha lev a dheuth yn-mes a'n gommolenn, ‘Hemm yw ow Mab karadow: klewewgh ev.’

Luk 8:18

Merkyewgh ytho fatell glewowgh: rag neb a bewvo, dhodho ev y fydh res; ha neb na bewvo mann, y fydh kemmerys a-dhiworto ynwedh an pyth a dybir ev dhe bewa.’

Yowann 10:16

Hag yma dhymm deves erell, nag yns a'n gorlann ma; res yw dhymm aga dri ynwedh, hag i a glew ow lev; hag y fydh unn flokk, unn bugel.

Yowann 10:27

Ow deves a glew ow lev, ha my a's aswonn, hag i a'm siw.

Yowann 5:25

‘Yn hwir, yn hwir y lavarav dhywgh, an eur a dheu, ha lemmyn yth yw, pan glew an re varow lev Mab Duw, ha neb a glew, bewa a wrons.

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

2 Korinthianys 9:6

Attendyewgh hemma: piwpynag a hasso boghes, ev a wra mysi boghes ynwedh; ha piwpynag a hasso yn pals, ev a wra mysi yn pals ynwedh.

Ebrowyon 2:1

Rakhenna y tegoedh dhyn koela dhe voy orth an traow yw klewys, ma nag ellen gans an liv.

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.