Mark 3:22 - An Bibel Kernewek 20234 (Kernewek Kemmyn)

²² Ha'n skribys neb a dheuth yn-nans a Yerusalem a leveri, ‘Yma ganso Belzebul, ha dre bryns an dhywolow ymava ow tewlel mes dywolow.’

Mark 3:22 Iomraidhean Croise

2 Myghternedh 1:2

Lemmyn Ahazia re goedhsa der an lattis yn y jambour y'n soler yn Samaria, hag o klav. Ytho ev a dhannvonas kannasow, ow leverel dhedha, ‘Kewgh ha govynnewgh orth Baal-zebub, duw Ekron, mar kwrav gwellhe dhiworth an kleves ma.’

Salmow 22:6

Ha my, pryv ov vy, a-der gour; skorn mab-den, ha dispresys gans an bobel.

Matthew 10:25

Lowr yw dhe'n dyskybel y vos avel y vester, ha'n kethwas avel y arloedh. Mar kalwsons mester an chi Belzebul, pygemmys moy y vayni ev?

Matthew 11:18

Rag Yowann a dheuth heb dybri nag eva, hag yn-medhons, “Yma dyowl ganso”.

Matthew 12:24

Mes an Fariseow pan y'n klewsons a leveris, ‘Ny dewl an den ma an dhywolow yn-mes saw dre Belzebul, pryns an dhywolow.’

Matthew 15:1

Ena Fariseow ha skribys a Yerusalem a dheuth dhe Yesu ow leverel,

Matthew 9:34

Mes an Fariseow a leveris, ‘Dre bryns an dhywolow ymava ow tewlel yn-mes an dhywolow.’

Mark 7:1

Hag y teuth war-barth dhodho an Fariseow, ha re a'n skribys, devedhys a Yerusalem.

Luk 11:15

Mes re anedha a leveris, ‘Dre Belzebul pryns an dhywolow y tewl ev an dhywolow mes.’

Luk 5:17

Hag y hwarva yn onan a'n dydhyow na, hag ev ow tyski, yth esa Fariseow ha dyskadoryon an lagha a'ga esedh ena, devedhys a bub tre a Alile, hag a Yudi, hag a Yerusalem; hag yth esa galloes an Arloedh ganso dhe yaghhe.

Yowann 10:22

Ena y feu goel an Sakrans yn Yerusalem; gwav o hi.

Yowann 7:20

An routh a worthybis, ‘Yma dyowl dhis; piw a hwila dha ladha?’

Yowann 8:48

Ytho an Yedhewon a worthybis, ha leverel dhodho, ‘A ny leveryn yn ta, ty dhe vos Samaritan, ha dyowl dhe vos dhis?’

Yowann 8:52

Ena yn-medh an Yedhewon dhodho, ‘Lemmyn ni a woer bos dyowl genes. Abraham a verwis, ha'n brofoesi, ha ty a lever, “Piwpynag a wittho ow ger, ny wra ev tastya mernans bynitha.”