Mark 3:2 - An Bibel Kernewek 20234 (Kernewek Kemmyn)

² Hag i a aspia gluw orto, mar kwrella y yaghhe y'n sabot, may hallens y guhudha.

Mark 3:2 Iomraidhean Croise

Salmow 37:32

An tebelwas a aspi an den gwiryon, hag ev a assay y ladha.

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Daniel 6:4

Ena an lewydhyon ha'n wahalyethow a hwilas skila rag krodhvol war Daniel a-dro dhe'n ruvaneth; mes ny yllens kavoes skila rag krodhvol, na kammwul vyth, rag y vos len; ha ny veu kevys ynno na fowt na kammwul.

Matthew 12:10

Hag awotta den, gwedhrys y leuv. Hag i a wovynnas orto, ow leverel, ‘Yw lafyl yaghhe y'n sabot?’ rag may hallens y guhudha.

Mark 3:3

Hag ev a leveris dhe'n den gwedhrys y leuv, ‘Sav y'n kres.’

Luk 14:1

Ena ev eth yn chi onan a'n benn-fariseow y'n sabot rag dybri bara, hag yth esons orth y aspia gluw.

Luk 20:20

Hag i a viras orto gluw, ha dannvon aspioryon neb a omwrug gwiryon, dh'y vagla yn y lavarow, rag ma'n daskorrons dhe awtorita ha galloes an governour.

Luk 6:7

Ha'n skribys ha'n Fariseow a aspia gluw orto, mar mynna yaghhe y'n sabot, rag may hallens kavoes kuhudhans er y bynn.

Yowann 8:6

I a gewsis hemma dh'y brevi, rag may fe dhedha neb kuhudhans er y bynn. Mes Yesu a blegyas war-nans, ha skrifa y'n dor gans y vys.

Yowann 9:16

Ytho re a'n Fariseow a leveris, ‘Nyns yw an den ma a Dhuw, rag ny with an sabot.’ Yn-medh re erell, ‘Fatell yll den yw peghador gul toknys a'n par ma?’ Hag yth esa fols yntredha.