Mark 2:8 - An Bibel Kernewek 20234 (Kernewek Kemmyn)

⁸ Ha desempis Yesu pan aswonnis yn y spyrys aga bos ow resna yndella yntredha aga honan, a leveris dhedha, ‘Prag y resnowgh hwi an taklow ma yn agas kolonn?

Mark 2:8 Iomraidhean Croise

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

Salmow 139:2

Ty a aswonn ow esedha ha'm sevel; ty a gonvedh ow frederow a bellder.

Lavarow Koth 15:26

Tybyansow an tebelwas yw tra gasadow dhe'n Arloedh, mes geryow grassyes yw plegadow dhodho.

Lavarow Koth 24:9

Towlow a follneth yw pegh, ha'n skornyer yw tra gasadow dhe dus.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ezekiel 38:10

Yndellma y lever an Arloedh Duw: Y'n jydh na prederow a dheu y'th vrys, ha ty a bareus towlenn dhrog.

Matthew 12:15

Mes Yesu ow merkya hemma a omdennas alena; ha routhow bras a'n siwyas, hag ev a's yaghhas pubonan oll,

Matthew 16:7

Hag i a resnas yntredha aga honan ha leverel, ‘Hemm yw drefenn na dhresen bara.’

Matthew 9:4

Ha Yesu, owth aswonn aga frederow, a leveris, ‘Prag y prederowgh drog yn agas kolonn?

Mark 2:7

‘Prag y kews an den ma yndella? Blasfemi a wra; piw a yll gava peghosow saw unnsel Duw?’

Mark 2:9

Pyneyl yw esya, leverel dhe'n palsi “Gevys yw dha beghosow”, po leverel, “Sav, ha kemmer dha weli yn-bann ha kerdh”?

Mark 7:21

Rag a'n tu a-bervedh, yn-mes a golonn tus, y teu drokprederow: fornikasyon, ladrans, denladh:

Luk 24:38

Hag yn-medh ev dhedha, ‘Prag yth owgh hwi troblys, ha prag y sev prederow yn agas kolonn?

Luk 5:22

Mes Yesu owth aswonn aga frederow a worthybis ha leverel dhedha, ‘Pandr'a resnowgh yn agas kolonn?

Luk 6:8

Mes ev, owth aswonn aga frederow, a leveris dhe'n gour gwedhrys y leuv, ‘Sav, ha deus y'n kres.’ Hag ev a sevis yn-bann, ha sevel ena.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Yowann 6:64

Mes yma re yntredhowgh neb na grysons.’ Rag Yesu a wodhva a'n dalleth piw ens i neb na gryssons, ha piw o neb a wrussa y drayta.

Oberow 5:3

Mes yn-medh Peder, ‘Ananias, prag y lenwis Satnas dha golonn, rag leverel gow dhe'n Spyrys Sans ha kemmeres dhis dha honan rann a bris an tir?

Oberow 8:22

Kemmer edrek, ytho, a'n sherewynsi usi dhis, ha pys war an Arloedh may fo gevys dhis, mar kyll bos, mynnas dha golonn.

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.