Mark 2:20 - An Bibel Kernewek 20234 (Kernewek Kemmyn)

²⁰ Mes an dydhyow a dheu may fydh an gour pries kemmerys a-dhiworta, hag ena i a wra penys y'n jydh na.

Mark 2:20 Iomraidhean Croise

Salmow 45:11

ha'n Myghtern a vydh hwansek dhe'th tekter; rag ev yw dha ARLOEDH, ytho gwra y wordhya.

An Gan a Ganow 3:11

Ewgh yn-mes ha mirewgh, a vyrghes Sion, orth myghtern Solomon gans an gurun may hwrug y vamm y guruna gensi yn dydh y dhemmedhyans, ha'n jydh mayth o lowen y golonn.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ysay 62:5

Rag kepar dell wra gour yowynk demmedhi gwyrghes, yndella dha vebyon a'th temmedh; ha kepar dell wra gour pries lowenhe y'n venyn bries, yndella y hwra dha Dhuw lowenhe ynnos.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Matthew 26:31

Ena yn-medh Yesu dhedha, ‘Oll hwi a vydh sklandrys ahanav vy y'n nos ma, rag skrifys yw, “My a wra gweskel an bugel ha deves an flokk a vydh skattrys.”

Matthew 9:15

Ha Yesu a leveris dhedha, ‘A yll kowetha an gour pries kyni hedre vo an gour pries gansa? Mes an dydhyow a dheu pan vydh an gour pries kemmerys dhiworta hag y'n eur na i a wra penys.

Mark 2:19

Ha Yesu a leveris dhedha, ‘A yll kowetha an gour pries gul penys, hedre vo an gour pries gansa? Hedre vo an gour pries gansa, ny yllons gul penys.

Mark 2:21

‘Ny wra denvyth gwrias darn a bann nowydh war wisk koth; poken an darn a denn a-dhiworto, an nowydh a-dhiworth an koth, ha'n skward a vydh gweth.

Luk 17:22

Ena yn-medh ev dh'y dhyskyblon, ‘An dydhyow a dheu pan yeunowgh gweles onan a dhydhyow Mab an den, mes ny'n gwelowgh.

Luk 5:35

An dydhyow a dheu, pan vydh an gour pries kemmerys dhiworta, hag ena i a wra penys y'n dydhyow na.’

Yowann 12:8

Rag hwi a gyv an voghosogyon pub eur genowgh, mes my ny'm kevowgh pup-prys.’

Yowann 13:33

A fleghes vyghan, hwath termyn berr yth esov genowgh. Hwi a'm hwila, ha dell leveris vy dhe'n Yedhewon, “Le mayth av ny yllowgh dos”, lemmyn my a'n lever dhywgh hwi.

Yowann 16:28

My a dheuth dhiworth an Tas, ha devedhys ov y'n bys; arta my a as an bys, ha mos dhe'n Tas.’

Yowann 16:7

Mes my a lever dhywgh an gwiryonedh, gwell dhywgh yw, my dhe vos yn-kerdh. Rag mar nyns av yn-kerdh, ny dheu an Konforter dhywgh; mes mars av, my a'n dannvon dhywgh.

Yowann 17:11

Ha lemmyn nyns esov vy y'n bys namoy, mes an re ma ymons y'n bys, ha my a dheu dhis. A Das sans, gwra aga gwitha y'th hanow jy hag a resys dhymm, may fons i onan kepar dell on nyni.

Yowann 17:13

Mes lemmyn y tov dhis, ha'n taklow ma a gowsav y'n bys, rag ma's teffo ow lowender kowlwrys ynna aga honan.

Yowann 3:29

Ev neb a gyv an briesvyrgh yw an gour pries; mes koweth an gour pries neb a sev ha goslowes orto a lowenha yn feur drefenn lev an gour pries. Ytho an lowena ma usi dhymmo vy yw kollenwys.

Oberow 1:9

Ha pan lavarsa hemma, hag i ow mires, ev a veu kemmerys yn-bann ha kommolenn a'n degemmeras mes a'ga golok.

Oberow 14:23

Ha pan ordensens ragdha henavogyon yn pub eglos, gans pysadow ha penys i a's kommendyas dhe'n Arloedh yn neb a gryssens.

Oberow 3:21

Y telledh nev dh'y gemmeres bys yn prysyow daskorrans pup-tra oll, dell gewsis Duw dre anow y brofoesi sans nans yw pell.

1 Korinthianys 7:5

Na skonyewgh an eyl orth y gila, marnas, martesen, der akordyans rag termyn, mayth omryllowgh hwi dhe bysadow; mes ena dewgh war-barth arta ma na'gas dynnyo Satnas der agas fowt omrewl.

2 Korinthianys 11:2

Avi a'm beus ragowgh, gans avi Duw, drefenn my dh'agas dedhewi dhe unn gour, rag agas profya avel gwyrghes pur dhe Grist,

2 Korinthianys 11:27

yn lavur ha gweyth kales, yn meur a nosow heb kosk, yn nown ha syghes, yn divoetteryow menowgh, yn yeynder ha noethedh.

2 Korinthianys 6:5

yn kastigow, yn prisonyow, yn derays, yn lavuryansow, yn nosow digosk, yn nown,

Diskwedhyans 19:7

Gwren lowenhe ha heudhhe, ha ri gordhyans dhodho; rag dydh demmedhyans an Oen a dheuva, ha'y wreg re ombareusis.

Diskwedhyans 21:9

Hag onan a'n seyth el neb a's tevo an seyth fiol lenwys a'n seyth pla diwettha a dheuth dhymm ha kewsel orthiv ow leverel, ‘Deus, ha my a vynn diskwedhes dhis an venyn bries, gwreg an Oen.’