Mark 2:12 - An Bibel Kernewek 20234 (Kernewek Kemmyn)

¹² Hag ev a sevis, hag ow kemmeres an gweli yn-bann a-dhesempis, ev eth yn-mes dherag a-wel anedha i oll, mayth esa marth dhedha i oll, ow kordhya Duw, ha leverel, ‘Bythkweth ny welsyn travyth a'n par ma.’

Mark 2:12 Iomraidhean Croise

Matthew 12:23

Ha marth bras a'n jevo oll an routhow, hag yn-medhons, ‘A allsa hemma martesen bos mab Davydh?’

Matthew 15:31

Ytho an routh a's teva marth pan welsons an re avlavar ow kewsel, an dus vans yn yagh, ha'n evredhyon ow kerdhes ha'n dhellyon ow kweles; hag i a wormolas Duw Ysrael.

Matthew 9:33

Ha pan veu an jowl tewlys yn-mes, an avlavar a gewsis. Ha'n routhow a's teva marth ha leverel, ‘Bythkweth ny veu gwelys tra a'n par ma yn Ysrael.’

Matthew 9:8

Ha'n routhow pan y'n gwelsons a veu kemmerys gans own hag a wordhyas Duw neb re wrussa grontya kemmys galloes dhe dus.

Mark 1:27

Hag yth ens i sowdhenys glan yn kettep penn, may hwrussons govynn an eyl orth y gila ow leverel, ‘Pandr'yw hemma? Dyskas nowydh gans awtorita! Ev a worhemmynn ynwedh dhe'n spyrysyon avlan, ha gostydh yns dhodho.’

Mark 2:11

‘my a lever dhis, sav, ha kemmer dha weli yn-bann, ha ke dhe'th chi.’

Luk 13:13

Hag ev a worras y dhiwleuv warnedhi; ha hware hi a sevis a'y sav ha gordhya Duw.

Luk 17:15

Mes onan anedha, ow kweles ev dhe vos sawys, a dhehwelis, ow ri glori dhe Dhuw, ughel y lev;

Luk 5:26

Ha pubonan a's teva marth, hag yth esons ow kormel Duw ha lenwys a own vons i, ow leverel, ‘Ni re welas marthusyon hedhyw.’

Luk 7:16

Hag own a's kemmeras oll, hag yth esens ow kormel Duw, ow leverel, ‘Profoes meur re sevis yn agan mysk’, ha ‘Duw re wrug vri a'y bobel.’

Yowann 7:31

Ha lies a'n routh a grysis ynno ha leverel, ‘Pan dheu an Krist, a wra ev toknys moy es dell wra an den ma?’

Yowann 9:32

A dhalleth an bys, ny veu klewys denvyth dhe igeri dewlagas den neb a veu genys dall.

Oberow 4:21

Ha pan y's godrossens pella, i a's livras; ny gavsons fordh vyth dh'aga hessydhya, drefenn an bobel; rag yth esa i oll ow ri gordhyans dhe Dhuw a-dro dhe'n pyth a hwarvia;