Mark 16:1 - An Bibel Kernewek 20234 (Kernewek Kemmyn)

¹ Ha'n sabot pan o tremenys, Maria Magdalena, ha Maria mamm Jamys, ha Salome a brenas spisys mayth ellens dh'y ura.

Mark 16:1 Iomraidhean Croise

Jenesis 50:2

Ha Yosep a erghis dh'y wesyon an vedhogyon mayth urrons y das rag ynkleudhyans; ytho an vedhogyon a uras Ysrael.

2 Kroniklys 16:14

I a'n ynkleudhyas y'n bedh re droghas ev ragdho y honan yn sita Davydh. I a'n gorras war eler kudhys gans spisys kemmyskys yn konnyk; hag i a wrug tan bras yn y enor.

Mark 14:3

Ha pan esa yn Bethani yn chi Simon an klavorek, hag ev esedhys dhe dhybri, y teuth benyn a's teva lester alabaster a eli nard pur, meur y bris; ha hi a dorras an lester ha'y dhinewi war y benn.

Mark 14:8

Hi re wrug kemmys a ylli; hi re dheuth kyns an termyn rag untya ow horf rag ynkleudhyans.

Mark 15:40

Yth esa ynwedh benynes ow mires a-bell, hag yntredha Maria Magdalena, ha Maria mamm Jamys an byghan hag a Yoses, ha Salome,

Mark 15:42

Ha gorthugher lemmyn devedhys, rag y vos an darbar, henn yw, an jydh kyns an sabot,

Mark 15:47

Hag yth esa Maria Magdalena ha Maria mamm Yoses ow mires, ple feuva gorrys.

Mark 16:2

Ha myttin pur a-varr, y'n kynsa dydh a'n seythun, y teuthons dhe'n bedh, ha'n howl ow trehevel.

Mark 16:8

Hag i eth yn-mes hag a fias dhiworth an bedh; rag yth esons ow krena, ha marth a's teva; ha ny lavarsons tra dhe dhenvyth, rag i a's teva own.

Luk 23:54

Hag yth o dydh an darbar, hag yth esa an sabot ow talleth.

Luk 23:56

hag i a dhehwelis ha pareusi spisys hag unyentys. Hag i a bowesas y'n sabot herwydh an gorhemmynn.

Luk 24:1

Yn kynsa dydh an seythun, pan dardhas an bora, i a dheuth dhe'n bedh, ow toen an spisys a bareussens.

Yowann 19:25

Ogas dhe grows Yesu yth esa ow sevel y vamm ha hwoer y vamm, Maria gwreg Klopas, ha Maria Magdalena.

Yowann 19:31

Ytho rag y vos dydh an darbar, rag na worta an korfow war an grows y'n sabot (rag bos dydh an sabot na dy'goel ughel), an Yedhewon a bysis Pilat may fe terrys aga diwarr ha may fens degys dhe-ves.